Paytm Gold Rewards : भारतातील लोकप्रिय डिजिटल पेमेंट प्लॅटफॉर्म पेटीएम (Paytm) ने आपल्या युजर्ससाठी एक मोठा आणि आकर्षक 'गोल्ड रिवॉर्ड' (Gold Reward) प्रोग्राम सुरू केला आहे. आता पेटीएम युजर्सना त्यांच्या प्रत्येक 'ट्रान्झॅक्शन'वर डिजिटल गोल्ड (Digital Gold) मिळवता येणार आहे. पेटीएमची मूळ कंपनी One97 Communications ने गुरुवारी याची घोषणा केली.
प्रत्येक UPI पेमेंटवर 'गोल्ड पॉइंट्स'
पेटीएमचे संस्थापक विजय शेखर शर्मा यांनी याबाबत माहिती दिली आहे. पेटीएम युजर्सना आता प्रत्येक UPI पेमेंटवर आणि कोणत्याही व्यक्तीला पेमेंट केल्यावर रिवॉर्ड्सच्या स्वरूपात 'गोल्ड पॉइंट्स' मिळतील. हे पॉइंट्स ग्राहक नंतर डिजिटल गोल्डमध्ये रूपांतरित (Convert) करू शकतील.
विजय शर्मा यांनी सांगितले की, हे फीचर अत्यंत सोपे आणि सरळ बनवण्यात आले आहे. आता लोकांना प्रत्येक ट्रान्झॅक्शनवर सोनं कमावण्याची संधी आहे आणि यासाठी कोणतीही मर्यादा (Limit) निश्चित केलेली नाही. विजय शर्मा यांच्या मते, अन्य कोणतेही ॲप या स्तराचे रिवॉर्ड देत नाही.
गोल्ड पॉइंट्स रिडीम कसे कराल?
पेटीएमचे सीनियर व्हाईस प्रेसिडेंट युगल तिवारी यांनी गोल्ड पॉइंट्स रिडीम करण्याची पद्धत स्पष्ट केली आहे:
पॉइंट्स मिळवा: 100 रुपयांच्या ट्रान्झॅक्शनवर युजर्सना 1 गोल्ड पॉइंट मिळेल. विशेष म्हणजे, जर ग्राहक RuPay कार्डने पेमेंट करतील, तर त्यांना दुप्पट पॉइंट्स मिळतील.
रिडीम करण्याची मर्यादा
ग्राहकांचे गोल्ड पॉइंट्सचे मूल्य 15 रुपयांपर्यंत पोहोचल्यावर, ते हे पॉइंट्स डिजिटल गोल्ड म्हणून रिडीम करू शकतील. ग्राहक जशी खरेदी करत जातील, तसे त्यांचे पॉइंट्स वाढत जातील, जे ते कधीही डिजिटल गोल्डमध्ये रूपांतरित करू शकतात.
ट्रॅव्हलसाठी AI फीचरची जोड
या घोषणेसोबतच, पेटीएमने आपल्या ट्रॅव्हल प्लॅटफॉर्ममध्ये एक नवीन AI फीचर (Artificial Intelligence Feature) देखील जोडले आहे. या अंतर्गत ग्राहकांना AI असिस्टंट (AI Assistant) मिळेल. हा असिस्टंट ग्राहकांना त्यांच्या प्रवासाचे नियोजन (Travel Planning) करण्यात मदत करेल. प्रवास योजना तयार करण्यापासून ते तिकीट बुक करण्यापर्यंतच्या प्रत्येक टप्प्यावर AI असिस्टंट ग्राहकांना मदत करेल.
हेही वाचा – भारतीय UPI ची मलेशियात धमाकेदार एन्ट्री! आता परदेशातही 'PhonePe', 'Google Pay'ने करता येणार पेमेंट
