Rakesh Kishore: दिल्लीतील करकरडूमा न्यायालय संकुलात सोमवारी मोठा गोंधळ उडाला. सर्वोच्च न्यायालयाचे माजी मुख्य न्यायाधीश बी.आर. गवई यांच्यावर बूट फेकणारे वकील राकेश किशोर यांना न्यायालयातील काही वकिलांकडून चप्पलांनी मारहाण करण्यात आली. राकेश किशोर न्यायालयात हजर असताना अचानक काही वकील त्यांच्या दिशेने धावले, त्यांना ढकलले आणि चप्पलांनी हल्ला केला. परिस्थिती तणावपूर्ण होताच सुरक्षा कर्मचाऱ्यांनी मध्यस्थी करून त्यांच्या सुरक्षिततेची व्यवस्था केली आणि त्यांना बाहेर काढले.
बूटफेक प्रकरणानंतर बार कौन्सिलने राकेश किशोर यांचे वकिली परवाना निलंबित केला आहे. व्यापक निषेध असूनही त्यांना आपल्या कृतीबाबत खेद नाही, असे त्यांनी सांगितले. देव स्वप्नात दर्शन देऊन अशी सूचना देत असल्याचा दावा त्यांनी केला आहे. 71-72 वर्षीय राकेश किशोर हे 2009 पासून दिल्ली बार कौन्सिलमध्ये नोंदणीकृत वरिष्ठ वकील असून, निलंबनामुळे ते पुढील आदेश मिळेपर्यंत कोणत्याही खटल्यात वकिली करू शकत नाहीत.
सीजीआई गवई जी के ऊपर जूते से हमला करने वाला राकेश किशोर के ऊपर भी किसी ने जूते से हमला किया और ये काम करके बहुत अच्छा किया… जूते से मार खा लेंगे गोबर खा लेंगे नाली का पानी पी लेंगे लेकिन सनातन धर्म का अपमान नहीं सहेंगे।?? (Rakesh kishore..)
ये महान काम करने वाले व्यक्ति को… pic.twitter.com/xc5yjiDtze — Nishu Aazad (@Nishuazad11) December 9, 2025
हेही वाचा – DPIIT New Draft: भारतातील AI-कॉपीराइट धोरणात मोठे बदल; DPIIT कडून नवा मसुदा जाहीर
दरम्यान, ही संपूर्ण घटना 6 ऑक्टोबर 2025 रोजी घडलेल्या त्या प्रकरणाशी संबंधित आहे, ज्यात सर्वोच्च न्यायालयातील नियमित सुनावणीदरम्यान राकेश किशोर यांनी कोर्ट नंबर 1 मध्ये बसलेले सीजेआय बी.आर. गवई यांच्या दिशेने बूट फेकण्याचा प्रयत्न केला होता. मध्य प्रदेशातील खजुराहो येथील जवारी मंदिरातील भगवान विष्णूच्या कापलेल्या मूर्तीच्या जीर्णोद्धारावरील खटल्यादरम्यान सकाळी 11:35 वाजता ही घटना घडली होती. सुरक्षा कर्मचाऱ्यांनी त्यांना तेव्हाच ताब्यात घेतले होते. दरम्यान, गवई यांनी त्या वेळी राकेश किशोर यांना माफ केले असले तरी न्यायालय संकुलातील वकिलांचा संताप मात्र ओसरलेला दिसत नाही.
