नवी दिल्ली: भारत-पाकिस्तान सीमेवर पाकिस्तानकडून झालेल्या प्रचंड गोळीबारात जखमी झालेल्या बीएसएफ जवानाच्या शौर्याचा इंडिगो विमानातील सहप्रवाशांनी सन्मान केला. विमानात जवानाच्या उपस्थितीची घोषणा होताच लोकांनी उभं राहून टाळ्या वाजवून बीएसएफ जवानाचा सन्मान केला. बीएसएफने या हृदयस्पर्शी क्षणांचा व्हिडिओ शेअर केला आहे. पहलगाम दहशतवादी हल्ल्यानंतर भारतीय सशस्त्र दलाने पाकिस्तानमधील दहशतवाद्यांच्या अड्ड्यांवर हवाई हल्ला केला. या हल्ल्यात दहशतवाद्यांचे 9 अड्डे उद्ध्वस्त झाले. त्यानंतर पाकिस्तानने नियंत्रण रेषेवरील भारतीय सीमेला लागून असलेल्या निवासी भागात जोरदार गोळीबार सुरू केला. भारतीय लष्कराने पाकिस्तानच्या गोळीबाराला पूर्ण ताकदीने प्रत्युत्तर दिले.
हेही वाचा – ज्योती मल्होत्राला हिसार कोर्टाकडून झटका; जामीन अर्ज फेटाळला
पाकिस्तानला प्रत्यूतर देण्यात बीएसएफची मोठी भूमिका होती. निवासी क्षेत्रातील लोकांच्या जीवित आणि मालमत्तेचे रक्षण करण्यासोबतच बीएसएफ जवानांनी शत्रूला चोख प्रत्युत्तर दिले. दरम्यान, बीएसएफचे सहाय्यक उपनिरीक्षक राजप्पा बीडी यांनीही आपले शौर्य दाखवले. या दरम्यान, ते जखमीही झाले.
हेही वाचा – ‘भारतावर पुन्हा हल्ला झाला तर आम्ही…’; परराष्ट्रमंत्री जयशंकर यांचा पाकिस्तानला कडक इशारा
"कुछ वीर जन्म से नहीं, कर्म से महान बनते हैं" दिनांक 10 जून 2025, इंडिगो दिल्ली-बेंगलुरु के विमान कर्मी दल द्वारा बीएसएफ की 165 बटालियन के सहायक उप निरीक्षक राजप्पा बी.डी. द्वारा ऑपरेशन सिन्दूर में किये गए वीरोचित कार्य का पुनः स्मरण, उनकी कर्तव्यनिष्ठा और देश के लिए समर्पण का… pic.twitter.com/CBASsQLpd7 — BSF (@BSF_India) June 11, 2025
दरम्यान, बीएसएफने सोशल मीडियावरील पोस्टमध्ये म्हटले आहे की, 10 जून 2025 रोजी इंडिगो दिल्ली-बेंगळुरू विमानाच्या कर्मचाऱ्यांनी ऑपरेशन सिंदूरमध्ये बीएसएफच्या 165 बटालियनचे सहाय्यक उपनिरीक्षक (एएसआय) राजप्पा बीडी यांनी देशाप्रती दाखवलेल्या समर्पणाचा आणि समर्पणाचा गौरव केला. सीमा सुरक्षा दलाने त्यांच्या शूर सीमा रक्षकाचा सन्मान करण्याच्या उपक्रमाबद्दल इंडिगोचे आभार मानते. सध्या या घटनेचा व्हिडिओ सोशल मीडियावर प्रचंड व्हायरल होत आहे.
