Best 5G Smartphones : वर्षाचा शेवट जवळ आला असला तरी, बाजारात नवीन स्मार्टफोन (Smartphone) वेगाने लाँच होत आहेत. 25 हजार रुपयांच्या बजेटमध्ये अनेक दमदार फोन बाजारात दाखल झाले आहेत. जर तुम्हाला या किमतीत एक असा ऑल-राउंड बॅलन्स (All-round Balance) असलेला फोन हवा असेल, ज्यात उत्कृष्ट परफॉर्मन्स, चांगला कॅमेरा, दमदार बॅटरी आणि दर्जेदार डिस्प्ले असेल, तर ही यादी तुमच्यासाठी अत्यंत उपयुक्त ठरू शकते.
टॉप 5G स्मार्टफोन मॉडेल्स
OnePlus Nord CE 5
या नवीन मॉडेलमध्ये 120Hz रिफ्रेश रेट आणि 1.5K रिझोल्यूशनसह मोठा 6.77-इंच AMOLED डिस्प्ले (AMOLED Display) देण्यात आला आहे, जो कंटेंट पाहण्यासाठी उत्कृष्ट अनुभव देतो. यात Dimensity 8350 Apex चिपसेट आहे, जो या रेंजमध्ये अतिशय स्मूथ परफॉर्मेंस (Smooth Performance) देतो. 12GB पर्यंत LPDDR5X RAM आणि UFS 3.1 स्टोरेजमुळे मल्टीटास्किंग (Multitasking) सोपे होते. यात OIS सह 50MP चा Sony सेन्सर (Sensor) मिळतो, जो कमी प्रकाशातही (Low-light) चांगले काम करतो. याचा 7,100mAh चा मोठा बॅटरी पॅक 80W चार्जिंगला सपोर्ट करतो. मात्र, यात सिंगल स्पीकर आणि NFC सपोर्टची कमतरता आहे.
लावा अग्नी 4 (Lava Agni 4)
लावाचे हे मॉडेल 6.67-इंच 120Hz AMOLED डिस्प्लेसह (AMOLED Display) येते. Dimensity 8350 प्रोसेसर आणि LPDDR5X RAM मुळे हा फोन स्पीड-लव्हर युजर्ससाठी चांगला पर्याय आहे. 50MP OIS कॅमेरा आणि 50MP चा सेल्फी कॅमेरा (Selfie Camera) हे त्याचे मुख्य आकर्षण आहे. ग्लास बॅक आणि मेटल फ्रेममुळे त्याची डिझाईन अतिशय प्रीमियम वाटते. मात्र, 5,000mAh ची बॅटरी आजच्या गरजांसाठी थोडी कमी वाटू शकते आणि कॅमेऱ्याचे ट्यूनिंग तेवढे प्रभावशाली नाही.
इन्फिनिक्स जीटी 30 प्रो (Infinix GT 30 Pro)
इन्फिनिक्सने हा फोन खास गेमिंग चाहत्यांसाठी तयार केला आहे. याचा 6.78-इंच AMOLED डिस्प्ले 144Hz रिफ्रेश रेटसह येतो, जो जलद मोशनमध्येही अतिशय स्मूथ व्हिज्युअल्स देतो. Dimensity 8350 Ultimate आणि 12GB RAM मुळे हा फोन हाय-एंड गेमिंगसाठी (High-end Gaming) योग्य आहे. यात 108MP कॅमेरा, 5,500mAh बॅटरी आणि वायरलेस चार्जिंग सपोर्ट मिळतो. शोल्डर ट्रिगर्स आणि मागील बाजूस असलेली फ्युचरिस्टिक लाईटिंग हे या फोनचे मोठे वैशिष्ट्य आहे. फक्त बॅटरी थोडी लहान वाटते आणि कॅमेऱ्यात OIS मिळत नाही.
पोको एक्स 7 प्रो (Poco X7 Pro)
पोकोने या मॉडेलमध्ये MediaTek 8400 Ultra चिपसेट दिला आहे, जो परफॉर्मेंसच्या (Performance) बाबतीत या बजेटमध्ये खूप पुढे आहे. 1.5K AMOLED डिस्प्ले, 90W फास्ट चार्जिंग (Fast Charging) आणि 6,550mAh बॅटरी यामुळे हा फोन पॉवर-हंग्री (Power-hungry) युजर्ससाठी उत्तम पर्याय आहे. 50MP OIS कॅमेरा उत्कृष्ट स्टेबलायझेशन (Stabilization) देतो आणि IP68 रेटिंगमुळे हा फोन पाणी व धूळपासून सुरक्षित राहतो. मात्र, सॉफ्टवेअरच्या बाबतीत काही युजर्सना त्रासदायक वाटू शकते.
विवो टी 4 (Vivo T4)
विवोचा हा फोन 6.77-इंच AMOLED डिस्प्ले आणि Snapdragon 7s Gen 3 चिपसेटसह (Chipset) येतो. याचा सर्वात मोठा हायलाईट म्हणजे 7,300mAh ची बॅटरी, जी 90W चार्जिंगसह अतिशय लांब बॅकअप देते. 50MP OIS कॅमेरा चांगला आहे, परंतु अल्ट्रा-वाईड लेन्सची (Ultra-wide Lens) अनुपस्थिती आणि जुनी RAM-स्टोरेज टेक्नॉलॉजी थोडी निराशाजनक आहे.
तुमच्या गरजेनुसार सर्वोत्तम निवड
जर तुम्हाला गेमिंग (Gaming) अधिक आवडत असेल, तर Poco X7 Pro, OnePlus Nord CE 5 आणि Infinix GT 30 Pro यापैकी कोणतीही निवड योग्य ठरू शकते. विशेषतः, GT 30 Pro गेमर्ससाठी तयार केला गेला आहे, कारण यात शोल्डर ट्रिगर्स, हाय-रिफ्रेश डिस्प्ले आणि युनिक लाईटिंग (Unique Lighting) मिळते. जर तुमचा मुख्य प्राधान्यक्रम कॅमेरा असेल, तर OnePlus Nord CE 5 हा या यादीतील सर्वात विश्वसनीय पर्याय आहे. वनप्लसचा सॉफ्टवेअर अनुभव आणि मोठी बॅटरी याला ऑल-राउंडर बनवते, जरी यात प्रीमियम बिल्ड आणि UFS 4.0 स्टोरेजची कमतरता जाणवते.
हेही वाचा – SIM Binding : सायबर फ्रॉड रोखण्यासाठी WhatsApp, Telegram बाबत सरकारचा मोठा निर्णय
