Austria School Firing: ऑस्ट्रियामधून अत्यंत धक्कादायक बातमी समोर येत आहे. ऑस्ट्रियातील ग्राझ शहरात एका शाळेत गोळीबार झाल्याची घटना घडली. यात 8 जणांचा मृत्यू झाला. ऑस्ट्रिया प्रेस एजन्सीने वृत्त दिले आहे की, महापौर एल्के काहर यांनी या घटनेचे वर्णन ‘भयानक शोकांतिका’ म्हणून केले आहे. मृतांमध्ये सात विद्यार्थी आणि एका प्रौढ व्यक्तीचा समावेश आहे. तथापि, या गोळीबारात अनेक जण जखमी झाले असून त्यांना रुग्णालयात नेण्यात आले आहे.
हेही वाचा – धक्कादायक! कोलंबियाच्या राष्ट्रपती पदाच्या उमेदवारावर निवडणूक प्रचारादरम्यान गोळीबार
प्रादेशिक वृत्तपत्र क्लेन झेइतुंगच्या मते, मोठ्या संख्येने पोलिस तैनात करण्यात आले आहेत. पोलिस आणि इतर आपत्कालीन वाहने शाळेच्या आजूबाजूच्या परिसराचे गस्त घालत आहेत. तथापि, पोलिसांनी सोशल मीडिया साइट X वर माहिती शेअर केली आणि सांगितले की शाळा रिकामी करण्यात आली आहे. विद्यार्थ्यांना सुरक्षित ठिकाणी हलवण्यात आले.
School shooting in Graz, Austria ??, 10 dead. Footage of the attack children screaming can be heard after shots fired inside school. They spend billions on foreign aid But they can't keep their own children safe in classrooms, Their society has broken. pic.twitter.com/u44VM8Cvqd — Sumit (@SumitHansd) June 10, 2025
हेही वाचा – मुख्य सल्लागार युनूस यांची घोषणा; बांगलादेशात होणार एप्रिल 2026 मध्ये निवडणुका
दरम्यान, ऑस्ट्रियाचे गृहमंत्री गेरहार्ड कार्नर शाळेतील गोळीबारानंतर ग्राझ शहराकडे रवाना झाले. ब्रुसेल्समधील युरोपियन युनियनच्या प्रवक्त्या पॉला पिन्हो म्हणाल्या, आम्ही पीडितांच्या कुटुंबियांना आणि ऑस्ट्रियातील ग्राझ शहराला आमच्या मनापासून संवेदना व्यक्त करू इच्छितो. शाळेतील या भयानक घटनेनंतर आम्ही शोकात एकत्र उभे असून न्यायाची मागणी करत आहोत.
