Air India Express Flight Security Scare: बेंगळुरूहून वाराणसीला जाणाऱ्या एअर इंडिया एक्सप्रेसच्या विमानात एका प्रवाशाने कॉकपिटचा दरवाजा उघडण्याचा प्रयत्न केला, ज्यामुळे विमानात तणाव निर्माण झाला. प्रवाशाने योग्य पासकोड देखील प्रविष्ट केला, परंतु कॅप्टनने अपहरणाच्या भीतीने कॉकपिटचा दरवाजा उघडला नाही. वृत्तांनुसार, ज्या व्यक्तीने हे केले तो आठ साथीदारांसह प्रवास करत होता. त्याच्यासोबत प्रवास करणाऱ्या सर्व नऊ प्रवाशांना सीआयएसएफकडे सोपवण्यात आले आहे. एअर इंडिया एक्सप्रेसचे विमान IX-1086 सोमवारी सकाळी 8 वाजता बेंगळुरूहून वाराणसीसाठी निघाले होते.
एअर इंडियाचा प्रतिक्रिया
एअर इंडिया एक्सप्रेसच्या प्रवक्त्याने सांगितले की, वाराणसीसाठीच्या आमच्या विमानात शौचालय शोधत असताना प्रवाशाने कॉकपिट प्रवेश क्षेत्रात प्रवेश करण्याचा प्रयत्न केला. कोणत्याही प्रकारची तडजोड झालेली नाही. लँडिंगच्या वेळी संबंधित अधिकाऱ्यांना घटना कळवली गेली असून या प्रकरणाची सध्या चौकशी सुरू आहे.
An Air India Express spokesperson says, “We are aware of media reports regarding an incident on one of our flights to Varanasi, where a passenger approached the cockpit entry area while looking for the lavatory. We reaffirm that robust safety and security protocols are in place… — ANI (@ANI) September 22, 2025
हेही वाचा – Income Tax on Sonu Sood : कोरोना काळात मदत केली पण…; अभिनेता सोनू सूद आयकर विभागाच्या रडारवर
सुरक्षा प्रोटोकॉल मजबूत असून विमानाच्या सुरक्षिततेसाठी कोणतीही तडजोड केली जाणार नाही, असेही प्रवक्त्याने ठामपणे सांगितले. विमान उतरल्यावर संबंधित प्रवाशाला पोलिसांच्या ताब्यात देण्यात आले. या प्रवाशाला नो-फ्लाय लिस्टमध्ये समाविष्ट करण्याची शक्यता आहे.
