PAN Card Rule Change: 31 मार्चनंतर आधार कार्डवर पॅन तयार करता येणार नाही; अर्जाच्या नियमात मोठा बदल

PAN Card Rule Change: पॅन कार्ड (PAN Card) काढू इच्छिणाऱ्या नागरिकांसाठी एक अत्यंत महत्त्वाची बातमी आहे. 31 मार्च नंतर केवळ आधार कार्डच्या जोरावर पॅन कार्ड मिळवण्याची सुविधा बंद होणार आहे. 1 एप्रिल पासून पॅन कार्डसाठी अर्ज करताना आधार कार्डसोबतच जन्मतारखेचा पुरावा देणारे अतिरिक्त कागदपत्र सादर करणे अनिवार्य असेल. CSCeGov ने 'X' (पूर्वीचे Twitter) वर पोस्ट शेअर करून या बदलाची माहिती दिली आहे. या नवीन नियमानुसार, 1 एप्रिल पासून जुन्या पद्धतीचे अर्ज स्वीकारले जाणार नाहीत, त्यामुळे सहज प्रक्रियेसाठी 31 मार्च पूर्वी अर्ज करणे फायदेशीर ठरेल.

31 मार्चपर्यंत पॅन कार्ड मिळवणे का सोपे आहे?
सध्याच्या नियमांनुसार, नवीन पॅन कार्डसाठी अर्ज करताना केवळ आधार कार्ड पुरेसे असते. मात्र, 1 एप्रिल पासून जन्मतारीख प्रमाणित करणाऱ्या कागदपत्रांची अट लागू होईल. जर तुम्ही 31 मार्च पर्यंत अर्ज केला, तर केवळ आधार कार्ड वापरून तुमच्या अर्जावर प्रक्रिया केली जाऊ शकते. यामुळे कोणत्याही अतिरिक्त कागदपत्रांच्या कटकटीशिवाय तुम्ही तुमचे पॅन कार्ड अधिक सहजतेने मिळवू शकता.

पॅन कार्डसाठी ऑनलाइन अर्ज करण्याची पद्धत
ऑनलाइन अर्ज करण्यासाठी सर्वप्रथम NSDL च्या अधिकृत वेबसाइटला भेट द्या. तेथे 'Apply Online' टॅबमध्ये 'New PAN – Indian Citizen (Form 49A)' हा पर्याय निवडा आणि 'Category' विभागात 'Individual' निवडा. त्यानंतर तुमचे नाव, आडनाव, जन्मतारीख, ईमेल आयडी आणि मोबाइल क्रमांक भरून CAPTCHA कोड प्रविष्ट करा. अर्ज सादर केल्यावर तुम्हाला एक 'Token Number' मिळेल, जो अर्ज अपूर्ण राहिल्यास पुन्हा सुरू करण्यासाठी उपयुक्त ठरतो.

पुढे, आधारशी जोडलेल्या मोबाइलवर आलेल्या OTP द्वारे पडताळणी पूर्ण करा. e-KYC पर्याय निवडल्यास तुमचा फोटो, स्वाक्षरी आणि पत्ता आधारवरून आपोआप घेतला जातो. शेवटी, अर्जाचे शुल्क ऑनलाइन भरून आधार प्रमाणीकरण (Authentication) प्रक्रिया पूर्ण करावी लागते. OTP प्रविष्ट केल्यानंतर तुमचा अर्ज यशस्वीरित्या सादर होतो.

हेही वाचा – EPFO Pension Application: 'PF क्लेम' वारंवार रिजेक्ट होतोय? अर्ज करण्यापूर्वी 'हे' नियम तपासा, अन्यथा हक्काचा पैसा मिळणे कठीण होईल

1 एप्रिलपासून अनिवार्य असणारी कागदपत्रे
CSCeGov च्या माहितीनुसार, 1 एप्रिल पासून पॅन कार्डसाठी आधार व्यतिरिक्त खालीलपैकी एका कागदपत्राची आवश्यकता भासणार आहे:
जन्म प्रमाणपत्र (Birth Certificate)
मतदार ओळखपत्र (Voter ID)
इयत्ता 10 वीची गुणपत्रिका किंवा प्रमाणपत्र
वाहन परवाना (Driving License)
दंडाधिकाऱ्याने (Magistrate) प्रमाणित केलेले प्रतिज्ञापत्र (Affidavit)
पासपोर्ट (Passport)
याचा अर्थ असा की, सध्याची 'केवळ आधार' ही पद्धत आता इतिहास जमा होणार असून नागरिकांना अधिक कागदपत्रांची पूर्तता करावी लागेल.