नवी दिल्ली: काश्मीरमधील पहलगाम येथे पाकिस्तानने केलेल्या दहशतवादी हल्ल्याला भारताने ऑपरेशन सिंदूरद्वारे प्रत्युत्तर दिले आहे. ऑपरेशन सिंदूर अंतर्गत, भारताने पाकिस्तानमधील 9 दहशतवादी अड्डे उद्ध्वस्त केले आहेत. या हवाई हल्ल्यानंतर, राफेल लढाऊ विमान सर्वत्र चर्चेचा विषय बनला आहे. राफेल जेट हे जगातील सर्वात शक्तिशाली आणि महागड्या लढाऊ विमानांपैकी एक आहे. आज आम्ही तुम्हाला जगातील 5 सर्वात महागड्या लढाऊ विमानांबद्दल सांगणार आहोत.
एफ-२२ रॅप्टर (F-22 Raptor)
एफ-२२ रॅप्टर हे जगातील सर्वात महागडे लढाऊ विमान आहे. F-22 रॅप्टर फायटर जेटच्या किमतीबद्दल बोलायचे झाले तर, या फायटर जेटची किंमत 143 दशलक्ष डॉलर्स म्हणजेच अंदाजे 12 अब्ज आहे. हे लढाऊ विमान एका अमेरिकन कंपनीने बनवले आहे.
हेही वाचा – ऑपरेशन सिंदूर नंतर पाकिस्तान सरकारकडून लष्कराला कारवाईचे सर्वाधिकार
राफेल – (Rafale)
राफेल हे जगातील दुसऱ्या क्रमांकाचे सर्वात महागडे लढाऊ विमान आहे. या लढाऊ विमानाच्या किंमतीबद्दल बोलायचे झाले तर त्याची किंमत 135 दशलक्ष डॉलर्स आहे. भारताने फ्रान्सकडून राफेल लढाऊ विमानासाठी करार केला होता. भारताने फ्रान्सकडून एकूण 36 राफेल विमाने खरेदी केले आहेत.
हेही वाचा – पाकिस्तानला धडा शिकवण्यासाठी भारताने ऑपरेशन सिंदूर अंतर्गत कोणती अचूक शस्त्रे वापरली? जाणून घ्या
युरोफायटर टायफून (Eurofighter Typhoon)
युरोफायटर टायफून हे जगातील तिसरे सर्वात महागडे लढाऊ विमान आहे. हे लढाऊ विमान युके, जर्मनी, इटली आणि स्पेन यांनी संयुक्तपणे बनवले आहे. या लढाऊ विमानाची किंमत 117 दशलक्ष डॉलर आहे. तर उत्पादक देशांसाठी त्याची किंमत 50 दशलक्ष डॉलर्स आहे.
चेंगडू J-20 (Chengdu J-20)
चेंगडू जे-20 हे चीनमध्ये बनवलेले जगातील चौथे सर्वात महागडे लढाऊ विमान आहे. या लढाऊ विमानाची किंमत 110 दशलक्ष डॉलर्स आहे.
एफ-35 लाइटनिंग II (F-35 Lightning II)
F-35 लाइटनिंग II हे जगातील सर्वात महागड्या लढाऊ विमानांपैकी एक आहे, ज्याची किंमत सुमारे 109 दशलक्ष डॉलर आहे. या लढाऊ विमानाचे अनेक प्रकार आहेत.
