Most Powerful Fighter Jet: जगभरातील महासत्ता देश सतत आपले संरक्षण तंत्रज्ञान मजबूत करण्याच्या प्रयत्नात असतात. लढाऊ विमाने म्हणजेच फायटर जेट्स ही त्यांची सर्वात मोठी ताकद मानली जाते. कोणत्या देशाकडे जगातील सर्वात ताकदवर फायटर जेट आहे, हा प्रश्न नेहमीच चर्चेत असतो. अमेरिकेची F-22 Raptor आणि F-35 Lightning II ही लढाऊ विमाने सध्या जगातील सर्वाधिक प्रगत आणि घातक मानली जातात.
स्टेल्थ तंत्रज्ञान- रडारवर अदृश्य
या जेट्सची सर्वात मोठी ताकद म्हणजे स्टेल्थ तंत्रज्ञान. यामुळे हे विमाने शत्रूच्या रडारवर सहज पकडली जात नाहीत. रडारवर दिसतच नसल्यामुळे शत्रूच्या प्रदेशात घुसून ते सुरक्षितपणे हल्ला करू शकतात. युद्धात हा घटक सर्वात महत्त्वाचा मानला जातो.
F-22 Raptor- वेग आणि सुपरक्रूझ क्षमता
F-22 ची सर्वात खास वैशिष्ट्य म्हणजे याची सुपरक्रूझ क्षमता. यामुळे हे जेट आफ्टरबर्नर न वापरता देखील सुपरसोनिक वेगाने उड्डाण करू शकते. यामुळे ईंधनाची बचत होते आणि शत्रूला अचानक हल्ल्याने गाफील ठेवता येते.
F-35 Lightning II- 'फ्लायिंग कॉम्प्युटर'
F-35 ला अनेकदा 'फ्लायिंग कॉम्प्युटर' म्हटले जाते. कारण हे फक्त लढाऊ विमान नसून युद्धक्षेत्रातील एक मोबाईल कमांड सेंटर आहे. यामध्ये आधुनिक सेन्सर, डेटा लिंक आणि एव्हिओनिक्स प्रणाली बसवण्यात आल्या आहेत. यामुळे पायलटला शत्रूविषयी रिअल टाइममध्ये संपूर्ण माहिती मिळते.
पायलटसाठी अत्याधुनिक हेल्मेट
F-35 मध्ये बसवलेले अत्याधुनिक हेल्मेट डिस्प्ले सिस्टम पायलटला 360 अंशांचा दृश्य अनुभव देते. पायलट जणू विमानाच्या बाहेर बघत आहे असा भास होतो. यामुळे शत्रूच्या प्रत्येक हालचालीवर अचूक लक्ष ठेवता येते.
वेगवान हल्ला आणि प्रगत शस्त्रास्त्रे
दोन्ही जेट्समध्ये एअर-टू-एअर मिसाईल्स, एअर-टू-ग्राउंड बॉम्ब आणि गाइडेड वेपन्स बसवलेले आहेत. महत्वाचे म्हणजे ही शस्त्रे विमानाच्या बाहेर न ठेवता आतील भागात लपवली जातात. त्यामुळे शत्रूच्या रडारवर त्यांचा मागोवा लागत नाही आणि हल्ला अनपेक्षित राहतो.
युद्धभूमीवरील निर्णायक बदल
F-35 चे आणखी एक महत्वाचे वैशिष्ट्य म्हणजे ते मिळालेली माहिती फक्त स्वतःपुरती न ठेवता, थेट आर्मी व नेव्हीच्या नेटवर्कशी शेअर करते. यामुळे संपूर्ण युद्धनीतीत एकत्रितपणे योग्य निर्णय घेता येतात. त्यामुळे हे विमान एकटं असूनही युद्धाची दिशा बदलण्याची ताकद ठेवते.
जगभरातील अनेक देशांकडे अत्याधुनिक लढाऊ विमाने आहेत, पण तज्ज्ञांच्या मते अमेरिकेची F-22 Raptor आणि F-35 Lightning II ही विमाने आजच्या घडीला सर्वात घातक मानली जातात. त्यांचा वेग, स्टेल्थ तंत्रज्ञान आणि आधुनिक शस्त्रास्त्रे यामुळे ही विमाने खऱ्या अर्थाने शत्रूला घाबरवणारी ठरतात.
