राज्यात शिमग्याची लगबग सुरू झाली आहे. तर कोकणात शिमगा सण उस्ताहात साजरा केला जातो. दरवर्षी अनेक मुंबईकर शिमग्यासाठी कोकणात जात असतात. त्यामुळे यंदा शिमग्यासाठी कोकणात जाण्यासाठी खास एसटीची व्यवस्था करण्यात आली असल्याची माहिती राज्याचे परिवहन मंत्री अनिल परब यांनी दिली आहे.
राज्यात सुरू असलेल्या एसटी संपाचा फटका अनेक कोकणवासीयांना बसत आहे. एसटी संपामुळे शिमग्यासाठी नागरिकांना कोकणात जाण्यासाठी अनेक अडचणी येत आहेत. त्यामुळे नागरिकांना शिमग्यासाठी कोकणात जाता यावे, यासाठी अतिरिक्त एसटींची सोय करण्यात आली आहे, अशी माहिती परिवहन मंत्री अनिल परब यांनी दिली आहे.
होळी आणि धुलिवंदन सणासाठी राज्य सरकारने नियमीवली जाहीर केली आहे. तसेच राज्य सरकारचे हे नियम पाळणे बंधनकारक असल्याचे गृह मंत्रालयाने सांगितले आहेत. जर हे नियम पाळले नाही तर कायदेशीर कारवाई केली जाण्याचा इशाराही गृह मंत्रालयाने दिला आहे.
