Javed Akhtar Slams Social Media Users: ज्येष्ठ गीतकार जावेद अख्तर यांनी पाकिस्तानविरुद्धच्या क्रिकेट सामन्यात शतकीय खेळी करणाऱ्या विराट कोहलीचे कौतुक करणारा एक मेसेज स्वतःच्या एक्स अकाउंटवरून पोस्ट केला होता. मात्र, काही सोशल मीडिया युजर्सनी अत्यंत वाईट पद्धतीने अख्तर यांच्या पोस्टवरती कमेंटस् केल्या. यानंतर अख्तर यांनी त्यांच्या ट्विटला लक्ष्य करणाऱ्या सोशल मीडियावरील असभ्य युजर्सना फटकारले आहे.
80 वर्षीय गीतकार जावेद अख्तर यांनी मुस्लीम धर्मीय असल्याकारणाने विनाकारण लक्ष्य करणाऱ्या या युजर्सना कठोर शब्दांत जागा दाखवून दिली आहे. विराट कोहलीची प्रशंसा करणाऱ्या त्यांच्या ट्विटला लक्ष्य करणाऱ्या सोशल मीडियावरील असभ्य वापरकर्त्यांना त्यांनी जोरदार फटकारले आहे. ‘माझ्या नसांमध्ये देशभक्तांचे रक्त आहे आणि तुमच्या नसांमध्ये ब्रिटिशांच्या नोकरांचे रक्त आहे,’ असे अख्तर यांनी म्हटले आहे.
हेही वाचा – ‘हे भयंकर पाप! या धक्क्यातून मी कधीही सावरू शकणार नाही’, बाळ झाल्यावर महिलेनं फर्टिलिटी क्लिनिकला कोर्टात खेचलं
ठळक मुद्दे:
बॉलिवूडचे ज्येष्ठ गीतकार आणि पटकथा लेखक जावेद अख्तर त्यांच्या गांभीर्य आणि स्पष्टवक्तेपणासाठी ओळखले जातात. त्यांनी सोशल मीडियावर फालतू कमेंट करणाऱ्या वापरकर्त्यांवर टीका केली आहे. रविवारी रात्री पाकिस्तानविरुद्ध भारताच्या विजयानंतर त्यांनी विराट कोहलीसाठी एक्स पोस्ट केली आणि त्यानंतर काही वापरकर्त्यांनी त्यांना जाणीवपूर्वक ट्रोल करण्याचा प्रयत्न केला. यादरम्यान जावेद अख्तर इतके संतापले की, त्यांनी एका युजरला असेही म्हटले की, ‘तू एक नीच माणूस आहेस आणि नीच म्हणूनच मरशील.’
2025 च्या चॅम्पियन्स ट्रॉफीमध्ये विराट कोहलीने पाकिस्तानविरुद्ध शानदार शतकी खेळी केली. टीम इंडियाने हा सामना जिंकला. प्रत्येक भारतीयाप्रमाणे जावेद अख्तर यांनी देखील याबद्दल शुभेच्छा देणारी पोस्ट एक्सवर केली. त्यांनी रात्री 9:49 वाजता ट्विटर (X) वर लिहिले, ‘विराट कोहली, जिंदाबाद!!!’ आम्हा सर्वांना तुझा खूप अभिमान आहे!!!’
Virat Kohli , zindabad. !!! . We all are so so so proud of you !!! — Javed Akhtar (@Javedakhtarjadu) February 23, 2025
एका वापरकर्त्याने त्यावर एक फालतू कमेंट करत लिहिले, ‘जावेद, बाबरचा बाप कोहली आहे, बोलो जय श्री राम!’
जावेद अख्तर यांनी या युजरची कमेंट वाचल्यानंतर म्हटले, जे लिहिले तो खरोखरच प्रत्येक भारतीयाच्या हृदयाचा आवाज आहे. पण ज्यांच्या नसांमध्ये रक्ताऐवजी मूर्खपणा वाहत आहे, अशा लोकांबद्दल काहीही करता येत नाही. त्यांची विचारसरणी कमकुवत आहे. अशाच एका वापरकर्त्याने जावेद अख्तर यांच्या पोस्टवर फालतू कमेंट केली, ‘जावेद, बाबरचा बाप कोहली आहे. बोलो, जय श्री राम!’
जावेद बाबर का बाप kohli है बोलो जय श्री राम — Himanshu Jain (Modi ka Parivar) (@HemanNamo) February 23, 2025
जावेद अख्तर म्हणाले- तुला देशप्रेमाबद्दल काय माहिती?
जावेद अख्तर यांनी ही टिप्पणी वाचताच, त्यांचा राग अनावर झाला. 80 वर्षीय दिग्गज गीतकाराने या टिप्पणीला उत्तर देताना लिहिले, ‘मी फक्त एवढेच म्हणेन की, तू एक नीच व्यक्ती आहेस आणि नीच व्यक्ती म्हणून मरशील. देशभक्तीबद्दल तुला काय माहिती?’
Maen to sirf yeh kahoonga ke tum eik neech insaan ho aur neech hi marogay . Tum kya jano desh prem kya hota hai . — Javed Akhtar (@Javedakhtarjadu) February 23, 2025
जावेद अख्तर आणखी एका युजरला म्हणाले, जेव्हा तुझे पूर्वज इंग्रजांचे बूट चाटत होते…
जावेद अख्तर यांनी दुसऱ्या वापरकर्त्यालाही अशाच प्रकारे फटकारले. या युजरने जावेद अख्तर यांच्या पोस्टवर कमेंट केली होती, ‘आज सूर्य कुठून उगवला?’ आतून तुम्हाला दुःख होईल.’ यावरही जावेद अख्तर यांनी उत्तर देताना लिहिले, ‘बेटा, जेव्हा तुझे पूर्वज इंग्रजांचे बूट चाटत होते, तेव्हा आमचे पूर्वज स्वातंत्र्यासाठी तुरुंगात आणि काळे पाणी इथे होते. माझ्या नसांमध्ये देशभक्तांचे रक्त वाहते आहे आणि तुझ्या नसांमध्ये ब्रिटिशांच्या नोकरांचं रक्त वाहत आहे. हा फरक विसरू नको.’
Aaj suraj kaha se nikla. Andar se dukh hoga apko to — Professor Sahab (@ProfesorSahab) February 23, 2025
Beta jab tumhare baap dada angrez ke jootay chaat rahe thay tab mere aazadi ke liye jai aur kala paani mein thay . Meri ragon mein desh premion ka khoon hai aur tumhari ragon mein angrez ke naukaron ka khoon hai . Iss anter ko bhoolo nahin . — Javed Akhtar (@Javedakhtarjadu) February 23, 2025
जावेद अख्तर यांचे उत्तर व्हायरल होत आहे
जावेद अख्तर यांचा राग पाहून, इतर युजर्सनीही अशा फालतू कमेंटस् करणाऱ्या वापरकर्त्यांना फटकारले आहे. तर, दिग्गज गीतकार अख्तर यांची दोन्ही उत्तरे रिट्विट केली जात आहेत आणि मोठ्या प्रमाणात लाईक केली जात आहेत.
