महाशिवरात्री हिंदू धर्मातील सण असून या दिवशी महादेवांची विविधप्रकारे पूजा करतात. या दिवशी अनेक ठिकाणी महादेवांची भूत प्रेतांसोबत वरात सुद्धा निघते. असे म्हणतात की या दिवशी शिव – पार्वती यांचा विवाहदेखील झाला होता. त्यामुळे या दिवसाचे हिंदू धर्मांत विशेष महत्त्व आहे. महाशिवरात्रीच्या दिवशी अनेक भाविक विविध शिवमंदिरात जाऊन महादेवांची नित्य-नेमाने पूजा करतात. महाशिवरात्रीनिमित्त शिवलिंगाची पूजा करण्यासाठी अनेक भाविक विविध दुकानात जाऊन पूजेची सामग्री आणतात. जाणून घ्या शिवलिंगावर जलाभिषेक करताना कोण – कोणत्या सामग्रींची आवश्यकता पडेल.
1 – शुद्ध जल: शिवलिंगाची पूजा करताना सर्वप्रथम शुद्ध जल अर्पण करतात. याच शुद्ध जलाने शिवलिंगाला अभिषेक केले जाते.
2 – दूध: शिवलिंगाची पूजा करताना दूध अर्पण केल्याने पुण्य प्राप्त होते.
3 – दही: शिवलिंगाच्या पूजेमध्ये दही अभिषेकालासुद्धा विशेष महत्त्व आहे. दही हे शांती आणि पवित्रतेचे प्रतीक आहे.
4: मध- शिवलिंगावर अभिषेक करताना मधाचे देखील वापर केले जाते. ज्यामुळे भक्तांना विशेष आशीर्वाद मिळतो.
5 – बेलपत्र: महादेवांना बेलपत्र अतिशय प्रिय असल्यामुळे शिवलिंगाची पूजा करताना त्यांना बेलपत्र अर्पण करतात.
(Disclaimer: येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. जय महाराष्ट्र त्याची हमी देत नाही.)
