मेटाने एक मोठी घोषणा केली आहे, ज्याचा तुमच्या सोशल मीडिया ॲप्स आणि मेसेजिंग ॲप्सच्या वापरावर थेट परिणाम होईल. आता, इंस्टाग्राम, फेसबुक आणि व्हॉट्सॲपसाठी नवीन प्लॅन्स आले आहेत. कंपनीने जगभरातील वापरकर्त्यांसाठी या योजना तयार केल्या आहेत, ज्यामध्ये भारताचाही समावेश आहे. मेटा आता त्यांच्या ॲप्ससाठी एक प्लस व्हर्जन आणत आहे, ज्यामध्ये पैसे देणाऱ्या वापरकर्त्यांना अशी खास साधने आणि कस्टमायझेशन वैशिष्ट्ये मिळतील जी यापुढे मोफत व्हर्जनमध्ये उपलब्ध नसतील. मेटा आपला महसूल वाढवण्याची योजना आखत आहे. या योजनेवरून हे स्पष्ट होते की, कंपनी आता महसुलासाठी केवळ जाहिरातींवर अवलंबून नाही. तिने महसूल मिळवण्याचा एक नवीन मार्ग शोधला आहे.
आता कंपनीला असे वाटते की, वापरकर्त्यांनी प्रीमियम वैशिष्ट्ये, एक उत्तम अनुभव आणि मोठा प्रेक्षकवर्ग मिळवण्यासाठी मासिक शुल्क भरावे. इंस्टाग्राम प्लस आणि फेसबुक प्लसची किंमत मासिक $3.99 (अंदाजे 387 रू) आहे, तर व्हॉट्सॲप प्लसची किंमत मासिक $2.99 ( 290 रू.) आहे. मेटाने अद्याप भारतासाठी किंमती जाहीर केलेल्या नाहीत. टेकक्रंचच्या एका अहवालानुसार, व्हॉट्सॲप प्लसमध्ये वैयक्तिकृत मेसेजिंगवर लक्ष केंद्रित करणारी अनेक अनोखी वैशिष्ट्ये समाविष्ट असतील. व्हॉट्सॲप सदस्यांना कस्टम थीम्स, युनिक रिंगटोन्स, प्रीमियम स्टिकर्स आणि अधिक चॅट्स पिन करण्याची क्षमता देखील मिळेल.
टेकक्रंचच्या एका अहवालानुसार, इंस्टाग्राम प्लस आणि फेसबुक प्लस सदस्यांना अनेक वैशिष्ट्ये मिळतील. इंस्टाग्राम प्लस वापरकर्त्यांना त्यांच्या स्टोरीज किती वेळा पुन्हा पाहिल्या गेल्या आहेत, हे सहजपणे पाहता येईल. तसेच, वापरकर्ते 'क्लोज फ्रेंड्स' या फिचर्सच्या पलीकडे जाऊन अमर्याद स्टोरी सूची तयार करू शकतील आणि 'व्ह्यूअर्स'च्या यादीत न दिसता स्टोरीचे रिवाइज करून पाहू शकतील.
इंस्टाग्राम प्लस वापरकर्त्यांना त्यांच्या स्टोरीज 24 तासांपेक्षा जास्त काळ प्रदर्शित करण्याची परवानगी देईल. याव्यतिरिक्त, अधिक प्रसिद्धी मिळवण्यासाठी एका स्टोरीला साप्ताहिकरित्या स्पॉटलाइट केले जाऊ शकते. आणखी एका विशेष वैशिष्ट्यामुळे वापरकर्त्यांना त्यांच्या स्टोरीच्या दर्शकांच्या यादीत शोध घेऊन, त्यांची स्टोरी कोणी पाहिली आहे हे पाहता येते.
