नवी दिल्ली : तृणमूल काँग्रेसचे राज्यसभेतील खासदार साकेत गोखले यांची एक्स पोस्ट वादाच्या भोवऱ्यात सापडली आहे. वंदे भारत स्लीपर कोचच्या निर्मिती खर्चात ५० टक्क्यांनी वाढ झाली आहे. आधी २९० कोटीत तयार होणार असलेली वंदे भारत ४३६ कोटी रुपयांत होणार आहे. खर्चात वाढ करताना वंदे भारतच्या डब्यांमध्ये लक्षणीय घट केल्याचा दावा साकेत गोखलेंनी केला.
साकेत गोखलेंच्या या दाव्याला रेल्वे मंत्रालयाने एक्स पोस्ट करुन फेटाळले. आधीच्या करारानुसार १६ डब्यांच्या २०० वंदे भारत गाड्या तयार होणार होत्या. आता नव्या करारानुसार २४ डब्यांच्या १३३ वंदे भारत गाड्या तयार होणार आहेत. जुन्या करारामुळे ३२०० डबे तयार होणार होते. नव्या करारामुळे ३१९२ डबे तयार होणार आहेत. या स्लीपर कोच गाड्या तयार करताना डब्यांच्या निर्मिती खर्चाला नियंत्रणात ठेवण्यात आले आहे. गाड्यांची लांबी वाढल्यामुळे खर्च नियंत्रणात राखण्यास मदत झाली आहे. संपूर्ण व्यवहारात पारदर्शकता आहे. यात कुठेही भ्रष्टाचार झालेला नाही. रेल्वे १२ हजार नॉन एसी अर्थात विना वातानुकूलित डबे तयार करत आहे; असेही रेल्वे मंत्रालयाने सांगितले.
Please stop spreading misinformation and fake news. Cost per coach multiplied by number of coaches equals the cost of train. In sleeper project, cost per coach is lower than all benchmarks because of the transparency in process. We have increased the number of coaches from… https://t.co/tLUmUsGx5x — Ministry of Railways (@RailMinIndia) September 16, 2024
