बैलगाडा शर्यतीबाबत सर्वोच्च न्यायालयात सुनावणी पार पडली. या सुनवाणीदरम्यान बैलगाडी शर्यतीला सशर्त परवानगी दिली आहे. त्यामुळे बैलगाडा मालकांना मोठा दिलासा मिळाला आहे. तब्बल ७ वर्षांनी राज्यात बैलगाडा शर्यतीचा धुरळा उडणार आहे.
मात्र, बैलगाडा शर्यतीसाठी सर्वोच्च न्यायालयाने काही अटी-नियम घालून दिले आहेत. तसेच न्यायालयाने आखलेल्या नियमांचे उल्लंघन केल्यास आयोजककर्त्यावर कारवाई होण्याचा इशाराही न्यायालयाने दिला आहे.
बैलगाडा शर्यतीवरील बंदी उठवण्यासाठी राज्य सरकारने याचिका दाखल केली होती. याप्रकरणी आज सर्वोच्च न्यायालयात सुनावणी पार पडली. मुकूल रोहतगी यांनी या प्रकरणात राज्य सरकारची बाजू मांडली. या निर्णयानंतर बैलगाडा मालकांनी आनंद व्यक्त केला. चार वर्षांपूर्वी सर्वोच्च न्यायालयाने बैलगाडा शर्यतींवर बंदी घातली होती. मात्र, आता ही बंदी उठवण्यात आली आहे.
