Raj-Uddhav Sabha On Shivtirth: मुंबई महानगरपालिका निवडणूक 2026 च्या पार्श्वभूमीवर 15 जानेवारी रोजी मतदान प्रक्रिया पार पडणार आहे. यासाठी प्रचाराची तयारी जोरात सुरू आहे, आणि त्याचाच एक भाग म्हणून आज दादर येथील प्रसिद्ध शिवाजी पार्कवर ठाकरे बंधूंची ऐतिहासिक जाहीर सभा मोठ्या उत्साहात आयोजित करण्यात आली. खास गोष्ट म्हणजे, या सभेत उद्धव ठाकरे आणि राज ठाकरे यांनी 20 वर्षांच्या अंतरानंतर एकत्र येऊन मंचावर आपली उपस्थिती दाखवली, ज्यामुळे या कार्यक्रमाला ऐतिहासिक महत्त्व प्राप्त झाले. यावेळी ठाकरे गटाची शिवसेना आणि मनसे युती जाहीर करण्यात आली, जी मुंबई महापालिका निवडणुकीसाठी महत्त्वपूर्ण ठरणार आहे. हे दोन्ही पक्ष एकत्रितपणे मुंबईच्या महापालिकेसाठी संघर्ष करतील, आणि युतीच्या दुसऱ्या सभेच्या रूपात हे एक महत्त्वाचे पाऊल आहे. उद्धव ठाकरे यांनी यावेळी मुंबईकरांच्या विविध समस्यांवर प्रकाश टाकला आणि आगामी निवडणुकीसाठी पक्षाच्या धोरणांची रूपरेषा दिली. युतीचे भवितव्य आणि मुंबईच्या विकासावर चर्चा केली गेली, ज्यामुळे आगामी निवडणुकीची दिशा निश्चित होईल.
नेमकं काय म्हणाले उद्धव ठाकरे?
आता माझ्या पहिल्या वाक्यावरून उद्या चर्चा सुरू होईल की राज ठाकरे "मराठी माणसं" म्हणाले आणि उद्धव ठाकरे "हिंदू बंधू भगिनी" म्हणाले, हेच आमचं म्हणणं आहे. कारण मुंबई महानगरपालिका निवडणुकीत महापौर कोण होणार याची सुरवात भाजपने केली. तर, यावर मला फडणवीस यांना म्हणायचं आहे, "तुम्ही नक्की हिंदू आहात ना? जरा तपासून बघा, काही असेल तर." आम्ही अस्सल मराठी बोलणारे देशभक्त हिंदू आहोत. राज ठाकरे यांनी ज्याप्रमाणे सांगितलं की, "पोटभरून जेवण तुम्हाला मी देणार आहे," त्यावर डोक्यात तड गेली पाहिजे. आणि ती जर जाणार नसेल, तर छत्रपती शिवाजी महाराज म्हणण्याचा आपल्याला काही हक्क नाही.
आजच्या सभेचं एक वैशिष्ट्य आहे. मला शिवसेनेची पहिली सभा आठवते, तेव्हा सगळे घरचे माझ्या समोर होते. मी माझ्या माऊलीच्या मांडीवर डोकं ठेवून ऐकत होतो. पण तेव्हा मला कळलं नाही की "मराठी लोकांवर अन्याय" म्हणजे नेमकं काय. आता तीच धुरा आमच्या खांद्यावर आली आहे. आता भावकी एक झाली आणि गावकीही एक होत आहे. ही लाचार माकड कधी वाघ बनू शकत नाही. आता लक्षात आलं आहे की शिवसेना संपवण्यामागे काय हेतू होता. मराठी भाषेवर प्रेम हे रक्तात असावं लागलं. आम्ही प्रबोधन ठाकरे यांची नातवंड मराठी भाषेची अवहेलना पाहताना घरात बसू असं भाजपला वाटलं का?
निवडणूक महाराष्ट्राची आहे, पण भाजप काय प्रचार करतंय? मला वाटतं, आदित्यने सर्व काम सांगितली. देवेंद्र फडणवीसचा चोराचा पैसा मला नकोय. तुम्ही मला हिंदू-मुस्लिम या मुद्द्यावर न बोललेलं भाषण दाखवा, मी एक लाख देतो. आपण संयुक्त महाराष्ट्राचं दालन उभं करू शकतो, कारण तेव्हा पालिका आपल्या हातात होती. सगळे पक्ष एकत्र आले आणि मुंबई महाराष्ट्राला मिळालीच पाहिजे. नर राक्षस गुजरातचा मुख्यमंत्री मोरारजी देसाई हिंदूच होता; गोळी घालणारा हिंदू आणि मरणारे मराठी होते. त्यावेळी महाराष्ट्र प्रेमी अमर शेख होता. मेवा भाऊ आम्हाला काय शिकवतायत? हे सगळं अडाणीकरण चालू आहे. मुंबईला परत बोंबे करायचा प्रयत्न चालू आहे का?
आजच्या राज्यातील प्रदूषणाचा मुद्दा फक्त पर्यावरणापर्यंत मर्यादित नाही, तर ते भ्रष्टाचाराच्या प्रदूषणानेही व्यापलेलं आहे. भाजप सरकारच्या काळात झालेल्या मोठ्या घोटाळ्यामुळे, देशभरातील सामान्य जनता त्याचे परिणाम भोगत आहे. अण्णा मोलायंचे आभार व्यक्त करत, उद्धव ठाकरे यांनी भाजपच्या काळ्या बाजूला उजाळा दिला आहे. 3000 कोटींचा घोटाळा आणि त्याचे देशावर होणारे परिणाम हे एक मोठं चिंतेचं कारण ठरले आहे. दिल्ली व्हेंटिलेटरवर असताना, महाराष्ट्र मात्र "ICU" मध्ये आहे, अशी तिखट टिप्पणी उद्धव ठाकरे यांनी केली.
या सभेत उद्धव ठाकरे यांनी भाजप सरकारवर तिखट शब्दांत हल्ला केला आणि राज्यातील भ्रष्टाचार, प्रदूषण आणि नेतृत्वाच्या असक्षमतेवर आपली भूमिका स्पष्ट केली. त्यांचं म्हणणं आहे की, मुंबईच्या भविष्याचा आणि राज्याच्या विकासाचा प्रश्न फक्त राजकीय घडामोडींवर नाही, तर त्या मागे असलेल्या घटकांवरही आहे.
