मुंबई : उद्धव ठाकरेंच्या शिवसेनेचे राज्यसभा खासदार संजय राऊत यांच्यावर गंभीर आरोप करणाऱ्या स्वप्ना पाटकर विधानसभेची निवडणूक लढवणार आहेत. स्वप्ना पाटकर अपक्ष उमेदवार म्हणून संजय राऊत यांचे धाकटे बंधू सुनील राऊत यांच्या विरोधात निवडणूक रिंगणात उतरणार आहेत. निवडणूक लढवण्यासाठी स्वप्ना पाटकर यांनी विक्रोळी मतदारसंघातून उमेदवारी अर्ज भरण्याचा निर्णय घेतला आहे.
सुनील राऊत यांनी २०१४ आणि २०१९ मध्ये विधानसभेची निवडणूक लढवली आहे. पण स्वप्ना राऊत निवडणूक रिंगणात उतरल्या तर सुनील राऊत यांच्यासाठी २०२४ ची विधानसभा निवडणूक आव्हानात्मक होण्याची शक्यता आहे.
सत्यमेव जयते! स्त्री दुर्गा असते लक्ष्मी असते. तिचा सन्मान करता येत नाही त्यांना आयुष्यात काहीच नीट करता येत नाही. माझा लोकशाही आणि न्यायालयावर प्रचंड विश्वास आहे. लोकशाही मार्गाने लोकशाहीच्या महोत्सवात 156- विक्रोळी विधानसभा मतदारसंघातून निवडणूक लढण्यासाठी उमेदवारी अर्ज घेत आहे. — I AM SWAPNA (@drswapnapatker) October 28, 2024
