अर्थसंकल्पीय अधिवेशनाला आज सुरूवात झाली आहे. अधिवेशनाचा पहिला दिवस हा अजित पवारांच्या आठवणीत गेलेला दिसून आला. यावेळी राज्याचे मुख्यमंत्री देवेंद्र फडणवीस, उपमुख्यमंत्री एकनाथ शिंदे, उद्धव ठाकरे यांनी शोकप्रस्ताव मांडले. याचवेळी रोहित पवार यांनीदेखील शोकप्रस्ताव मांडला. यावेळी रोहित पवार खूप भावूक झालेले दिसून आले.
यावेळी रोहित पवार म्हणाले की, दादा तुमच्या जाण्याने राजकारणात कधीही न भरून निघणारी पोकळी निर्माण झाली आहे. त्यांनी मला एक मुलगा म्हणून खूप सल्ले दिले. त्यांना माझे वाढलेले केस आवडत नव्हते. त्यावेळी ते म्हणाले रोहित झिपऱ्या काप, त्यांना आदरांजली म्हणून मी माझे केस कापले. मी अजितदादांना शब्द देतो. माझी हेअरस्टाईल अशीच ठेवेन. शारिरीक वजन कमी करेन, राजकीय वजन वाढवेन”.
पुढे ते म्हणाले की, वरचं बटण लावत जा असं अजित दादा मला नेहमी म्हणायचे. पण मात्र मी एक सांगतो, चाळीस-पन्नास वर्षानंतर मी ज्यावेळी अजितदादांना भेटायला जाईन, तोपर्यंत माझ्या शर्टचं बटण असंच उघडं ठेवणार. कारण हे वरचं बटण तुमची मला रोज आठवण देत राहील असं रोहित पवार म्हणाले.
