बंगळूर: रॉयल चॅलेंजर्स बंगळूर (आरसीबी) ने दमदार फलंदाजी आणि प्रभावी गोलंदाजीच्या जोरावर चेन्नई सुपर किंग्स (सीएसके) वर 43 धावांनी दणदणीत विजय मिळवला. या पराभवासह सीएसकेची सलग तिसरी हार झाली असून संघाच्या कामगिरीवर प्रश्नचिन्ह निर्माण झाले आहे.
प्रथम फलंदाजी करताना आरसीबीने 3 गडी गमावत तब्बल 250 धावांचा डोंगर उभा केला. टिम डेविड याने नाबाद 70 धावांची तुफानी खेळी केली, तर देवदत्त पडिक्कल याने 50 धावांचे अर्धशतक झळकावले. कर्णधार रजत पाटीदार याने 48 धावांची नाबाद खेळी करत डावाला भक्कम आधार दिला, तर फिल सॉल्ट याने 46 धावांचे योगदान दिले.
पडिक्कल आणि सॉल्ट यांनी सुरुवातीला वेगवान भागीदारी करत संघाला चांगली सुरुवात करून दिली. त्यानंतर पाटीदार आणि डेविड यांनी अखेरच्या षटकांत तुफानी फटकेबाजी करत अवघ्या 36 चेंडूत 99 धावांची नाबाद भागीदारी रचली. शेवटच्या 5 षटकांत 97 धावा उभारून आरसीबीने सामन्यावर पूर्ण पकड मिळवली.
A dream finish with the bat followed by a dream start with the ball ?#RCB pick three early wickets but Sarfaraz Khan fights on ?#CSK 64/3 in 5⃣ overs Updates ▶️ https://t.co/PkhPvxcU44#TATAIPL | #KhelBindaas | pic.twitter.com/BNaIy2pugq — IndianPremierLeague (@IPL) April 5, 2026
या प्रचंड लक्ष्याचा पाठलाग करताना सीएसकेची सुरुवातच डळमळीत झाली. कर्णधार रुतुराज गायकवाड लवकर बाद झाल्यानंतर फलंदाजी कोसळली. सरफराज खान याने 50 धावा करत संघर्ष केला, तर प्रशांत वीर (43) आणि जेमी ओव्हरटन (37) यांनी काही प्रमाणात लढत दिली. मात्र, संघ 19.4 षटकांत 207 धावांवर आटोपला.
Partnership Broken! ? Captain Rajat Patidar with a brilliant catch to get #RCB closer to ✌️points Updates ▶️ https://t.co/PkhPvxcU44#TATAIPL | #KhelBindaas | #RCBvCSK pic.twitter.com/MQPKIy4klY — IndianPremierLeague (@IPL) April 5, 2026
आरसीबीकडून भुवनेश्वर कुमार सर्वात यशस्वी गोलंदाज ठरला. त्याने 3 बळी घेत निर्णायक भूमिका बजावली. याशिवाय जेकब डफी, कृणाल पंड्या आणि अभिनंदन सिंग यांनी प्रत्येकी दोन विकेट घेतल्या, तर सुयश शर्माला एक बळी मिळाला.
एकूणच, फलंदाज आणि गोलंदाज यांच्या समन्वयित कामगिरीमुळे आरसीबीने एकतर्फी विजय मिळवला. दुसरीकडे, सीएसकेची गोलंदाजी आणि वरच्या फळीची अपयशी कामगिरी पुन्हा एकदा उघड झाली असून, पुढील सामन्यांमध्ये संघाला सुधारणा करावी लागणार आहे.
