मुंबई: महाराष्ट्र विधानसभेत महायुतीला मिळालेल्या घवघवीत यशानंतर मुंबईत महायुती सरकारचा शपथविधी सोहळा मोठ्या थाटात पार पडला. या ऐतिहासिक सोहळ्यात देवेंद्र फडणवीस यांनी मुख्यमंत्री पदाची शपथ घेतली. सोहळ्याला अनेक प्रमुख नेत्यांनी हजेरी लावली, त्यात भारतीय जनता पक्षाचे आमदार पराग आळवणी देखील उपस्थित होते. ‘जय महाराष्ट्र’ वृत्तवाहिनीचे संपादक प्रसाद काथे यांनी आमदार पराग आळवणी यांच्याशी खास संवाद साधला आणि या चर्चेचा मुख्य विषय होता “मुंबई जिंकण्यासाठी भाजपाने काय करावं?
मुंबईच्या विकासावर लक्ष
आमदार पराग आळवणी यांनी मुंबईच्या विकासासाठी भाजपाने केलेल्या कामांचे कौतुक केले आणि त्याचे परिणाम आता दिसू लागले आहेत. त्यांनी सांगितले की, २०१४ पासून सुरू झालेल्या मुंबईच्या विकासासाठीच्या साखळीत आजपर्यंत अनेक महत्वाचे पाऊल उचलले गेले आहेत. मुंबईच्या वाहतूक व्यवस्थेचा मुद्दा अधोरेखित करत आळवणी यांनी मेट्रो स्थानकांसाठी सोयीस्कर कनेक्टिव्हिटी तयार करणे आणि फेरीवाल्यांवर नियंत्रण ठेवणे आवश्यक असल्याचे सांगितले.
ठाकरेंनी सोबत यायला हवं का ?
ठाकरे गटासोबत येणे आवश्यक का? या प्रश्नावर आळवणी यांनी स्पष्ट भूमिका घेतली. “हा फक्त सत्ताधाऱ्यांसाठी नव्हे, तर संपूर्ण राज्यासाठी ऐतिहासिक क्षण आहे,” असं ते म्हणाले. “राजकीय पक्षांच्या सर्व नेत्यांनी एकत्र यायला हवे. हा विजय जनतेच्या पाठिंब्यामुळे शक्य झाला आहे, त्यामुळे प्रत्येक पक्षाच्या नेत्यांनी या ऐतिहासिक सोहळ्यात सहभागी होणे गरजेचे आहे,” अशी त्यांची भूमिका होती.
महायुतीच्या ऐतिहासिक यशाची अभिमानाची भावना
आळवणी यांनी महायुतीच्या यशावर आनंद आणि अभिमान व्यक्त केला. “आता महायुती उजव्या आणि डाव्या दोन्ही बाजूंनी मजबूत होईल. मुख्यमंत्री देवेंद्र फडणवीस यांच्या म्हणण्यानुसार हा एक ऐतिहासिक आणि जबाबदारी वाढवणारा क्षण आहे,” असे ते म्हणाले.
मुंबई महानगरपालिकेची विजय योजना
आळवणी यांनी सांगितले की, मुंबई महानगरपालिकेच्या आगामी निवडणुकीत भाजपाने यश मिळवण्यासाठी दिलेल्या विकासकामांचे फळ मिळवले पाहिजे. आगामी निवडणुकांमध्ये भारतीय जनता पक्षाच्या जिंकण्याच्या पद्धतीत विशेष योगदान असलेल्या या विकासाच्या कामांवर लक्ष केंद्रित केले पाहिजे.
