नवी दिल्ली : पेपरफुटीच्या प्रकारानंतर पुन्हा एकदा विद्यार्थ्यांना नीटचा पेपर देण्यासाठी नवीन तारीख जाहीर करण्यात आली आहे. राष्ट्रीय चाचणी संस्थेने (NTA) च्या मते, भारत सरकारच्या मान्यतेने रविवार, 21 जून रोजी नीट-यूजी 2026 फेरपरीक्षा घेण्याचा निर्णय घेण्यात आला आहे. राष्ट्रीय चाचणी संस्थेने (NTA) शुक्रवारी जाहीर केले की, राष्ट्रीय पात्रता सह प्रवेश परीक्षा पदवी (NEET-UG) 2026 ची फेरपरीक्षा 21 जून रोजी घेतली जाईल. 3 मे रोजीची परीक्षा पेपरफुटीच्या आरोपांमुळे रद्द झाल्यानंतर 22 लाखांहून अधिक वैद्यकीय शिक्षण घेऊ इच्छिणाऱ्या विद्यार्थ्यांच्या अनेक दिवसांच्या अनिश्चिततेला यामुळे पूर्णविराम मिळाला आहे.
? NEET (UG) 2026 — Examination Date Announced
The National Testing Agency, with the approval of the Government of India, has scheduled the re-examination of NEET (UG) 2026 on Sunday, 21 June 2026.
Candidates and parents are requested to rely only on the official channels of NTA.… — National Testing Agency (@NTA_Exams) May 15, 2026
परीक्षेची नवीन तारीख राष्ट्रीय चाचणी संस्थेच्या (NTA) अधिकृत हँडलवरून जाहीर करण्यात आली. संस्थेने म्हटले आहे की, रविवार, 21 जून रोजी NEET-UG 2026 ची फेरपरीक्षा घेण्याचा निर्णय भारत सरकारच्या मान्यतेने घेण्यात आला आहे. “नॅशनल टेस्टिंग एजन्सीने नीट (यूजी) 2026 ची फेरपरीक्षा रविवार, 21 जून 2026 रोजी घेण्याचा निर्णय घेतला आहे,” असे एजन्सीने आपल्या पोस्टमध्ये म्हटले आहे. 12 मे रोजी जाहीर झालेल्या 3 मे च्या परीक्षेच्या रद्दीकरणामुळे, लाखो उमेदवार सुधारित वेळापत्रक, प्रवेशपत्रे आणि पुढील प्रवेश प्रक्रियेबद्दलच्या स्पष्टतेची वाट पाहत होते. एनटीएने उमेदवार आणि पालकांना परीक्षेसंबंधित विश्वसनीय माहितीसाठी केवळ अधिकृत संपर्क माध्यमांवरच अवलंबून राहण्याचा सल्लाही दिला आहे. दरम्यान, केंद्रीय शिक्षण मंत्री धर्मेंद्र प्रधान आज, शुक्रवारी आगामी NEET-UG फेरपरीक्षेसंदर्भात माध्यमांना माहिती देणार आहेत.
Union Education Minister Dharmendra Pradhan to brief the media on the upcoming NEET-UG re-examination today. (File photo) pic.twitter.com/j3qwCVJgiV — ANI (@ANI) May 15, 2026
