मुंबई: राज्यातील मटण विक्री व्यवसायासाठी आता नवीन नियमावली लागू करण्यात आली आहे. पशुसंवर्धन मंत्री नितेश राणे यांनी हिंदू समाजातील खाटिकांसाठी ‘मल्हार सर्टिफिकेट’ नावाने एक नवा उपक्रम जाहीर केला आहे. या नव्या धोरणानुसार, हिंदू खाटिकांनाच हे प्रमाणपत्र दिले जाईल आणि ज्यांच्याकडे हे प्रमाणपत्र नसेल, त्यांनी मांस खरेदी करू नये, असे आवाहन नितेश राणे यांनी केले आहे.
मल्हार सर्टिफिकेट म्हणजे काय?
मल्हार सर्टिफिकेट हे फक्त हिंदू समाजातील खाटिकांना दिले जाणारे प्रमाणपत्र आहे. या सर्टिफिकेटशिवाय कोणालाही मटण विक्री करण्याची परवानगी दिली जाणार नाही. नितेश राणे यांच्या म्हणण्यानुसार, हिंदू खाटिकांच्या व्यवसायाला चालना देण्यासाठी आणि त्यांच्या आर्थिक हिताचे रक्षण करण्यासाठी हे नवे धोरण लागू करण्यात येत आहे.
हिंदू खाटिकांसाठी विशेष सर्टिफिकेट
हे सर्टिफिकेट मिळवण्यासाठी हिंदू खाटिकांनी अर्ज करावा लागेल आणि विशिष्ट निकष पूर्ण केल्यानंतरच त्यांना मल्हार सर्टिफिकेट दिले जाईल. प्रमाणपत्र नसलेल्या दुकानांमधून मटण खरेदी करू नका, असे आवाहन नितेश राणे यांनी जनतेला केले आहे.
वादाची शक्यता
या नव्या धोरणामुळे मोठा वाद निर्माण होण्याची शक्यता आहे. काही संघटनांनी या धोरणाचा विरोध दर्शवला असून, हे धार्मिक भेदभावाला चालना देणारे पाऊल असल्याचे म्हटले आहे. विरोधी पक्षांनीही या निर्णयावर आक्षेप घेतला असून, सरकारने सर्व समाजघटकांना समान संधी द्यावी, अशी मागणी केली आहे.
राजकीय आणि सामाजिक प्रतिक्रिया
या निर्णयावर विविध स्तरातून संमिश्र प्रतिक्रिया उमटत आहेत. काही हिंदू संघटनांनी या निर्णयाचे स्वागत केले असून, ते हिंदू व्यावसायिकांसाठी उपयुक्त ठरेल असे मत व्यक्त केले आहे. मात्र, काही मुस्लिम आणि दलित संघटनांनी या धोरणाचा निषेध केला आहे.
पुढील दिशा काय?
राज्यातील मटण विक्रेत्यांवर या नव्या नियमांचा कसा परिणाम होतो, हे पाहणे महत्त्वाचे ठरणार आहे. सरकारने या धोरणाच्या अंमलबजावणीसाठी अद्याप कोणतेही अधिकृत आदेश जारी केलेले नाहीत. त्यामुळे पुढील काही दिवसांत या धोरणाविषयी अधिक स्पष्टता येण्याची शक्यता आहे.
हलाल म्हणजे काय?
इस्लामिक कायद्यानुसार परवानगी असलेले अन्न
या प्रक्रियेत प्राण्याला कमीत कमी त्रास सहन करावा लागतो
प्राणी बलिदान देताना देवाचं नाव घ्यावं लागते
एकाच प्रहारात धारदार चाकूने मारला जावा
मुस्लिम व्यक्तीने अल्लाहचे नाव घेत कत्तल करावी लागते
झटका म्हणजे काय?
प्राण्याची मान एका झटक्यात वेगळी करणे
मारण्यापूर्वी प्राण्याला बेशुद्ध केलं जातं जेणेकरुन जास्त वेदना होत नाही
मारण्यापूर्वी प्राण्याला उपाशी ठेवलं जातं
