होर्मुझच्या सामुद्रधुनीत थायलंडचा ध्वज असलेल्या मालवाहू जहाज मयुरी नारी जहाजावर झालेल्या हल्ल्याचा भारताने निषेध केला आहे. भारताने सांगितले की हे जहाज गुजरातमधील कांडला बंदराकडे जात होते. पश्चिम आशियात सुरू असलेल्या संघर्षादरम्यान भारताने व्यावसायिक जहाजांना लक्ष्य केल्याचा निषेध केला. परराष्ट्र मंत्रालयाने एका निवेदनात म्हटले आहे की, थाई मालवाहू जहाजांना लक्ष्य करणे आणि निष्पाप लोकांचे जीवन धोक्यात आणणे टाळले पाहिजे.
परराष्ट्र मंत्रालयाचे प्रवक्ते रणधीर जयस्वाल यांनी सोशल मीडिया प्लॅटफॉर्मवर लिहिले की, “आम्ही 11 मार्च रोजी होर्मुझच्या सामुद्रधुनीत मयुरी नारी या थाई जहाजावर हल्ला झाल्याचे वृत्त पाहिले आहे. जयस्वाल म्हणाले की, हे जहाज भारतातील कांडला बंदराकडे जात होते. पश्चिम आशियातील सुरू असलेल्या संघर्षात लष्करी हल्ल्यांद्वारे व्यावसायिक जहाजांना लक्ष्य केले जात आहे याबद्दल भारताला खेद आहे. त्यांनी अलिकडच्या हल्ल्यांचाही निषेध केला ज्यामुळे निष्पाप लोकांचे जीव गेले”.
पुढे त्यांनी लिहीले की, “या हल्ल्यामध्ये मृत्युमुखी पडलेल्यांमध्ये दोन भारतीयांचा समावेश होता, तर एक अद्याप बेपत्ता आहे. परराष्ट्र मंत्रालयाने हल्ल्यावर टीका केली”.
हेही वाचा – माजी मुख्यमंत्र्यावर गोळीबार, लग्नसमारंभातून बाहेर पडताना घडला प्रकार, घटना CCTV मध्ये कैद
निवेदनात पुढे म्हटले आहे की, भारत पुन्हा एकदा सांगतो की व्यावसायिक जहाजांना लक्ष्य करणे आणि निष्पाप नागरी क्रू सदस्यांना धोका निर्माण करणे किंवा अन्यथा नौवहन आणि व्यापाराच्या स्वातंत्र्यात अडथळा आणणे टाळले पाहिजे.
Statement regarding ship bound for Kandla, India ⬇️ ? https://t.co/CdtmMXAdPY pic.twitter.com/xVK9AymYn2 — Randhir Jaiswal (@MEAIndia) March 11, 2026
