नवी मुंबई : दिवाळीमुळे झेंडूच्या फुलांना मागणी वाढली आहे. पुणे जिल्ह्यातील शेतकऱ्यांनी नवी मुंबईमध्ये एपीएमसी, वाशी व इतर ठिकाणी फुलांचा व्यवसाय सुरू केला असून १२० ते १६० रुपये किलो दराने झेंडूच्या फुलांची विक्री होत आहे.
प्रत्येक वर्षी दसरा व दिवाळीला नवी मुंबईमधील पदपथ व मोकळ्या जागांवर शेतकऱ्यांचा शेतकरी बाजार भरत असतो. पूर्वी फूल उत्पादक शेतकरी मुंबईमधील फूल बाजारात होलसेलमध्ये फुलांची विक्री करत होते. परंतु अनेक वेळा दर कमी मिळाल्यामुळे व काळी वेळेस फुलांची चोरी झाल्यामुळे अनेकांचे नुकसान झाले होते. यामुळे शेतकऱ्यांनी नवी मुंबई, पनवेलमध्ये जागा मिळेल तेथे फुलांचा व्यवसाय सुरू केला.
