Karnataka Caps Movie Ticket Prices: थिएटरमध्ये जाऊन चित्रपट पहायला आवडणाऱ्यांसाठी चांगली बातमी येत आहे. आता कोणत्याही चित्रपटगृहातील कोणत्याही चित्रपटाच्या तिकिटाची किंमत 200 रुपयांपेक्षा जास्त असणार नाही. तथापि, चित्रपट प्रेमींना हा आनंद फक्त एकाच राज्यात मिळेल. हो, कर्नाटकचे मुख्यमंत्री सिद्धरामय्या यांनी शुक्रवारी जाहीर केले की, मल्टिप्लेक्ससह राज्यातील सर्व सिनेमागृहांमध्ये चित्रपट तिकिटांची कमाल किंमत 200 रुपयांपर्यंत मर्यादित असेल. सिद्धरामय्या यांनी त्यांच्या 16 व्या अर्थसंकल्पात कन्नड चित्रपटांबाबत मोठी घोषणा केली.
कन्नड चित्रपटांच्या प्रमोशनसाठी ओटीटी प्लॅटफॉर्म –
तथापि, कन्नड चित्रपटांना प्रोत्साहन देण्यासाठी कर्नाटक एक ओटीटी प्लॅटफॉर्म देखील तयार करणार आहे. अलिकडेच, रक्षित शेट्टी आणि ऋषभ शेट्टी सारख्या प्रसिद्ध कन्नड अभिनेते-निर्मात्यांनी तक्रार केली होती की, अनेक आघाडीच्या ओटीटी प्लॅटफॉर्मना कन्नड 'कंटेंट' प्रदर्शित करण्यात रस नाही. ओटीटी प्लॅटफॉर्मची उपलब्धता नसल्याने रक्षित शेट्टीच्या प्रॉडक्शन हाऊस परमवाह स्टुडिओने जुलै 2024 मध्ये त्यांची कन्नड वेब सीरिज 'एकम' एका कस्टम प्लॅटफॉर्मवर स्ट्रीम करण्यास सुरुवात केली.
हेही वाचा – Highest Paid South Indian Actress: 'या' आहेत दक्षिण भारतातल्या सर्वाधिक मानधन घेणाऱ्या अभिनेत्र्या
चित्रपट क्षेत्राला देणार उद्योगाचा दर्जा –
राज्याच्या सामाजिक, ऐतिहासिक आणि सांस्कृतिक मूल्यांचे प्रदर्शन करणारे चित्रपट जतन करण्यासाठी मुख्यमंत्र्यांनी डिजिटल आणि नॉन-डिजिटल दोन्ही स्वरूपात कन्नड चित्रपटांचे संग्रहण तयार करण्यासाठी 3 कोटी रुपयांच्या निधीला मंजूरी दिली आहे. भागधारकांच्या आणखी एका मागणीला संबोधित करताना सिद्धरामय्या म्हणाले की, चित्रपट क्षेत्राला उद्योगाचा दर्जा दिला जाईल आणि औद्योगिक धोरणांतर्गत प्रदान केलेल्या इतर सर्व सुविधांचा विस्तार केला जाईल.
हेही वाचा – सोन्याच्या तस्करीत कन्नड अभिनेत्री अडकल्याने खळबळ! 14.8 किलो सोन्यासह विमानतळावर अटक
म्हैसूरमध्ये विकसित होणार फिल्म सिटी –
शहरातील नंदिनी लेआउट येथे कर्नाटक फिल्म अकादमीच्या मालकीच्या 2.5 एकर जमिनीवर सार्वजनिक खाजगी भागीदारी (पीपीपी) अंतर्गत एक मल्टिप्लेक्स चित्रपटगृह संकुल विकसित केले जाईल, असंही मुख्यमंत्र्यांनी यावेळी सांगितलं. तसेच पीपीपी मॉडेल अंतर्गत 500 कोटी रुपये खर्चून म्हैसूरमध्ये आंतरराष्ट्रीय दर्जाचे फिल्म सिटी विकसित करण्यासाठी 150 एकर जमीन माहिती आणि जनसंपर्क विभागाला हस्तांतरित करण्यात आली असल्याची माहितीही यावेळी मुख्यमंत्री सिद्धरामय्या यांनी दिली.
