भारताने निर्यातीत ऐतिहासिक विक्रम नोंदवला आहे. केंद्र सरकारने चालू आर्थिक वर्षासाठी ४०० अब्ज डॉलर निर्यातीचे लक्ष्य ठेवले होते. तर हे चालू आर्थिक वर्ष संपण्याच्या ९ दिवस आधीच भारताने निर्यात लक्ष्य साध्य केले आहे. कोरोनाकाळानंतर भारताची निर्यात सुस्साट झाली असून भारताने निर्यातीत विक्रम नोंदवला आहे.
पंतप्रधान नरेंद्र मोदी यांनी भारताच्या या गौरवशाली कामगिरीचे कौतुक केले आहे. त्यांनी ट्विट केले की, ‘भारताने ४०० अब्ज डॉलरच्या निर्यातीचे लक्ष्य ठेवले आणि ते पूर्णही केले. भारताच्या यशाचे कौतुक करताना आत्मनिर्भर भारताच्या प्रवासाताली हा महत्त्वाचा टप्पा आहे. या यशाबद्दल मी शेतकरी, विणकर, उत्पादक, निर्यातदार यांचे अभिनंदन करत आहे.’
India set an ambitious target of $400 Billion of goods exports & achieves this target for the first time ever. I congratulate our farmers, weavers, MSMEs, manufacturers, exporters for this success. This is a key milestone in our Aatmanirbhar Bharat journey. #LocalGoesGlobal pic.twitter.com/zZIQgJuNeQ — Narendra Modi (@narendramodi) March 23, 2022
