मुंबई, १६ ऑगस्ट २०२३, प्रतिनिधी : भारताचे माजी पंतप्रधान अटल बिहारी वाजपेयी यांना श्रद्धांजली अर्पण करण्यासाठी आज भारताचे पंतप्रधान अटल बिहारी वाजपेयी ‘सदैव अटल’ वर दाखल झाले आहेत. त्यांनी या स्मृतिस्थळी वाजपेयींना श्रद्धांजली अर्पण केली आहे. त्यांच्यासोबत एनडीए मधील अनेक नेते देखील उपस्थित होते. राष्ट्रवादीचे प्रफुल्ल पटेल, केंद्रीय मंत्री आणि अपना दल (सोनेलाल) नेत्या अनुप्रिया पटेल आणि HAM चे जितन राम मांझी देखील उपस्थित होते.
भाजपकडून निमंत्रण मिळाल्यानंतर एनडीएचे सर्व मोठे नेतेही या पुण्यतिथी कार्यक्रमाला पोहोचले आहेत. एनडीएचे घटक पक्ष नेते जीतन राम मांझी, सुदेश महतो, थंबी दुराई, शिवसेनेचे राहुल शेवाळे, प्रफुल्ल पटेल, अगाथा संगमा, अनुप्रिया पटेल हेही या कार्यक्रमाला उपस्थित होते. त्यांच्याशिवाय एनडीएचे आणखी काही नेतेही या कार्यक्रमाला उपस्थित होते.
माजी पंतप्रधान अटलबिहारी वाजपेयी यांच्या पाचव्या पुण्यतिथीनिमित्त त्यांच्या समाधी स्थळावर सदैव अटल येथे कार्यक्रमाचे आयोजन करण्यात आले आहे. यावेळी अटलबिहारी वाजपेयी यांची मुलगी नमिता भट्टाचार्य आणि जावई रंजन भट्टाचार्यही कार्यक्रमाला पोहोचले. पुण्यतिथीच्या कार्यक्रमाला केंद्रीय मंत्री अनुराग ठाकूरही पोहोचले. बिहारचे मुख्यमंत्री आणि माजी NDA सहयोगी नितीश कुमार देखील अटल बिहारी वाजपेयी यांच्या समाधीला भेट देण्यासाठी दिल्लीला पोहोचले आहेत, जिथे ते त्यांच्या पुण्यतिथीनिमित्त त्यांना श्रद्धांजली अर्पण करतील.
