Chhagan Bhujbal: गेल्या काही दिवसांपासून राष्ट्रवादी काँग्रेसच्या विलीनीकरणाच्या चर्चेला जोर लागलेला आहे. या पार्श्वभूमीवर पक्षाचे दिग्गज नेते आणि मंत्री छगन भुजबळ यांनी नाशिकमध्ये विलीनीकरणावर आपले स्पष्ट मत मांडले. भुजबळ यांनी या चर्चेवर सावधपणे आणि संयमाने विचार करण्यावर भर दिला असून, सध्या घाई करण्याची गरज नाही, असे स्पष्ट केले.
भुजबळ म्हणाले, “विलीनीकरणाबाबत इतकी घाई का केली जाते, हे मला समजत नाही. ही चर्चा एका महिन्यानेही करता येईल. सुनेत्राताई उपमुख्यमंत्र्यांच्या भूमिकेत आहेत, आणि त्या राष्ट्रीय अध्यक्षही होतील. विलीनीकरणावर दोन्ही बाजूने चर्चा होईल, पण सध्या घाई करण्याचे काही कारण नाही. नवीन नेतृत्व आले आहे, त्यांना निर्णय घेऊ द्या. सध्या माझा प्रमुख अजेंडा म्हणजे सुनेत्रा पवार यांना राष्ट्रीय अध्यक्ष म्हणून बसवणे, हे 100 टक्के ठरलेले आहे.”
भुजबळांनी आपल्या वक्तव्यादरम्यान पक्षातील संतुलन राखण्यावरही भर दिला. त्यांनी सांगितले की, विलीनीकरणाबाबत चर्चेत घाई करण्याऐवजी संयम बाळगणे आणि निर्णय योग्यवेळी घेणे महत्त्वाचे आहे. त्यांचे हे विधान पक्षातील विविध गटांमध्ये संतुलन राखण्याचा प्रयत्न म्हणूनही पाहिले जात आहे.
यावेळी भुजबळ यांनी मंत्री झिरवाळांच्या राजीनाम्यावरही प्रतिक्रिया दिली. ते म्हणाले की, “दोषी आढळल्यास राजीनामा देणे योग्य आहे. पोलीस चौकशीत सत्य-खोटे स्पष्ट होईल. मंत्रालयात अनेक लोक काम करत आहेत, आणि आलेल्या तक्रारींवर कोण बोलत नाही, हेही लक्षात घ्यावे.” एसीबीच्या धाडीनंतर मंत्री झिरवाळ काही काळासाठी संपर्कात नाहीत, असेही त्यांनी सांगितले.
छगन भुजबळ यांचे या वक्तव्यामुळे पक्षातील विलीनीकरणाच्या चर्चेवर एक शांतता निर्माण झाली असून, नेत्यांच्या सल्ल्यानुसार पुढील निर्णय घेण्यात येणार आहेत. पक्षात संतुलन राखणे आणि योग्य वेळेवर निर्णय घेणे महत्त्वाचे आहे, असे भुजबळ यांच्या विधानातून स्पष्ट होते.
