मुंबई : विधानसभा निवडणुकीत मनसेला ठाणे आणि पालघर जिल्ह्यात आलेल्या अपयशामुळे ठाणे-पालघर जिल्हाध्यक्ष अविनाश जाधव यांनी राजीनामा दिला आहे. फेसबुक पोस्ट करत त्यांनी आपल्या राजीनाम्याची घोषणा केली आणि पराभवाची जबाबदारी घेतली.
अविनाश जाधव यांनी आपल्या पोस्टमध्ये म्हटले आहे, “ठाणे आणि पालघर जिल्ह्यात विधानसभेच्या निवडणुकीत पराभव झाला. यासाठी मी माझ्या जिल्हाध्यक्ष पदाचा राजीनामा देत आहे. काम करताना काही चुक झाल्या असतील, तर कृपया माफ करावे.”
राजीनामा देताना जाधव यांनी त्यांच्या कार्यकाळातील काही चुकांच्या माहितीचे विश्लेषण केले आणि आगामी कार्यकर्त्यांना योग्य दिशा देण्यासाठी यापुढे सुधारणा करण्याचे संकेत दिले. यामुळे मनसेतील अंतर्गत वाद आणि आगामी रणनीतीवर प्रश्नचिन्ह निर्माण झाले आहे.
