मुंबई, १ जून २०२३, प्रतिनिधी : पुण्यश्लोक अहिल्यादेवी होळकर यांची आज २९८ वी जयंती. या निमित्ताने राज्याचे मुख्यमंत्री एकनाथ शिंदे यांनी मोठी घोषणा केली आहे. औरंगाबाद, उस्मानाबादपाठोपाठ आता राज्य सरकारने अहमदनगर शहराच्या नामांतरची घोषणा केली आहे. अहमदनगर शहराला आता ‘अहिल्यादेवी नगर’ अशी नवी ओळख मिळणार आहे.
अहमदनगर जिल्ह्यातीत चौंडी हे अहिल्याबाईंचे जन्मगाव. अहिल्याबाई होळकरांच्या वंशजांच्या उपस्थितीत त्यांचा जयंती सोहळा बुधवारी पार पडला. यावेळी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस उपस्थित होते. मुख्यमंत्री आणि उपमुख्यमंत्री यांना पगडी, काठी, घोंगडी देऊन त्यांचा सत्कार करण्यात आला. याच कार्यक्रमात एकनाथ शिंदे यांनी अहमदनगरचे नाव ‘अहिल्यादेवी नगर’ असे होणार असल्याची घोषणा केली.
औरंगाबादचे ‘छत्रपती संभाजीनगर’ आणि उस्मानाबादचे ‘धाराशिव’ असे नामांतर झाल्यानंतर अहमदनगर शहराच्या नामांतराचा मुद्दा ऐरणीवर आला होता. आता मुख्यमंत्र्यांच्या घोषणेनंतर अहमदनगरच्या नामांतरावर शिक्का मोर्तब झाला आहे. आता अहमदनगरचे नामांतर ‘अहिल्यादेवी होळकर नगर’ असे केले जाणार आहे. अहिल्याबाई होळकर यांच्या २९८ व्या जयंती निमित्न चौंडी येथे आयोजित कार्यक्रमात मुख्यमंत्री एकनाथ शिंदे यांनी घोषणा केली आहे.
