पूंछ, १२ जानेवारी २०२४, प्रतिनिधी : जम्मू काश्मीरमधील पूंछमध्ये शुक्रवारी १२ जानेवारी २०२४ रोजी दहशतवाद्यांनी लष्कराच्या वाहनावर हल्ला केला. यानंतर लष्कराने लगेच प्रत्युत्तर देण्यास सुरुवात केली. गोळीबार ज्या दिशेने सुरू होता त्या दिशेला लष्कराने प्रत्युत्तर देण्यास सुरुवात केली. अंधारामुळे अद्याप दहशतवादी नेमके किती आहेत आणि कोणत्या ठिकाणी लपले आहेत हे समजलेले नाही. याआधी २१ डिसेंबर २०२३ रोजी दहशतवाद्यांनी पूंछमध्येच बफलियाज येथे लष्कराच्या दोन वाहनांवर गोळीबार केला होता. या हल्ल्यात लष्कराचे पाच जवान हुतात्मा झाले आणि दोन जखमी झाले होते.
