ठाणे, २३ सप्टेंबर २०२३, प्रतिनिधी: ठाणे जिल्ह्यात उल्हासनगर - मुरबाड महामार्गाजवळ शहाड येथे सेंच्युरी रेयॉन कंपनीत नायट्रोजन कंटेनरचा स्फोट झाला. या भीषण दुर्घटनेत एका कामगाराचा मृत्यू झाला आणि चारजण जखमी झाले. स्फोट एवढा मोठा होता की, एक - दोन किलोमीटरपर्यंतच्या परिसरात हादरे जाणवले. दुर्घटनेत जखमी झालेल्यांना जवळच्या रुग्णालयात दाखल केले आहे. पोलीस स्फोट प्रकरणी तपास करत आहेत. अग्निशमन दलाने तातडीने कारवाई करून परिस्थितीवर नियंत्रण मिळवले आहे.
शैलेश यादव (२५), सेंच्युरी रेयॉन कंपनीचा कर्मचारी; गंभीर दुखापतीमुळे मृत्यू
जखमींची यादी
१. सागर झालटे (४४), सेंच्युरी रेयॉन कंपनीचा कर्मचारी
२. पंडित मोरे, वाहन चालक
३. प्रकाश निकम (३४), सेंच्युरी रेयॉन कंपनीचा कर्मचारी
४. हंसराज सरोज (५२), वाहन चालकाचा मदतनीस