यवतमाळ, दि. 12 : जिल्ह्यात 24 तासात जिल्ह्यात एका मृत्युसह 67 जण नव्याने पॉझेटिव्ह आले आहेत. मृतकामध्ये दारव्हा तालुक्यातील 80 वर्षीय पुरुषाचा समावेश आहे. तर वसंतराव नाईक शासकीय वैद्यकीय महाविद्यालयाच्या आयसोलेशन वॉर्ड, विविध कोव्हीड केअर सेंटर आणि कोव्हीड हेल्थ सेंटरमध्ये भरती असलेल्या 71 जणांनी कोरोनावर मात केल्यामुळे त्यांना रुग्णालयातून सुट्टी देण्यात आली. जिल्हा परिषदेच्या आरोग्य विभागातर्फे प्राप्त अहवालानुसार आज (दि. 12) एकूण 826 रिपोर्ट प्राप्त झाले.
यापैकी 67 जण नव्याने पॉझेटिव्ह तर 759 जणांचे रिपोर्ट निगेटिव्ह आले. सद्यस्थितीत जिल्ह्यात 430 ॲक्टीव्ह पॉझेटिव्ह आहे. तसेच आतापर्यंत एकूण पॉझेटिव्ह रुग्णांची संख्या 13310 झाली आहे. 24 तासात 71 जण कोरानामुक्त झाल्यामुळे जिल्ह्यात बरे झालेल्यांची एकूण संख्या 12469 आहे. तर जिल्ह्यात एकूण 411 मृत्युची नोंद आहे. सुरवातीपासून आतापर्यंत 129905 नमुने पाठविले असून यापैकी 129323 प्राप्त तर 582 अप्राप्त आहेत. तसेच 116013 नागरिकांचे नमुने आतापर्यंत निगेटिव्ह आल्याचे जि.प. आरोग्य विभागाने कळविले आहे.
