जय महाराष्ट्र न्यूज, मुंबई
अकोल्यात यशवंत सिन्हा यांनी कापूस उत्पादकांसाठी सुरू केलेल्या ठिय्या आंदोलनाला उद्धव ठाकरे, शरद पवारांसह सर्वपक्षीय विरोधकांनी जाहीर पाठिंबा दिल्याने, हे आंदोलन आता चांगलेच चर्चेत आलंय.
भाजपचे बंडखोर खासदार नाना पटोले, महात्मा गांधीचे पणतू तुषार गांधी यांनी तर थेट आंदोलनस्थळी जाऊन त्यांची भेट घेतलीय.
तर, आमदार बच्चू कडू यांनी भेट देऊन आम्ही सुद्धा आंदोलनात सहभागी असल्याचं म्हटलंय. नाफेडने शेतकऱ्यांच्या कापसाची शंभर टक्के खरेदी करावी, यासाठी यशवंत सिन्हा अकोल्यात ठाण मांडून बसलेत. अकोल्यातील शेतकरी जागर मंचाने यशवंत सिन्हांच्या नेतृत्वात कालपासून हे आंदोलन सुरू केलंय.
