फॅशन विश्वात कधी काय होईल सांगता येत नाही. लक्झरी फॅशनच्या जगात, आपल्याला अनेकदा अशा आश्चर्यांबद्दल ऐकायला मिळते जे सामान्य माणसाच्या आकलनापलीकडचे असतात. अलीकडेच, सोशल मीडियावर असा दावा व्हायरल होत आहे की प्रसिद्ध ब्रँड गुच्चीने 50,000 रुपयांचे लहान मुलांचे डायपर बाजारात आणले आहेत.
सात डायपरच्या एका प्रीमियम पॅकची किंमत सुमारे 500 डॉलर, म्हणजेच अंदाजे 50,000 रुपये आहे. यामुळे एका डायपरची किंमत सुमारे 7,000 रुपये होते. सोशल मीडियावरच्या विनोदी पोस्टमध्ये असा दावा करण्यात आला आहे की, एका डायपरच्या किमतीत एका कुटुंबाचे महिन्याचे रेशन आणि विजेचे बिल सहज भागू शकते. या महागड्या डायपरची बातमी ऑनलाइन वेगाने पसरली आणि एकच खळबळ उडाली.
हेही वाचा – मोदी सरकारचा मास्टरस्ट्रोक! आता कच्च्या तेलाच्या आयातीसाठी आता होर्मुझच नाही तर 'हे'देखील आहेत पर्याय
व्हायरल झालेल्या दाव्यानुसार, हे डायपर्स केवळ साधेसुधे प्लास्टिकचे नाहीत. ते ऑरगॅनिक कॉटन, अँटीबॅक्टेरियल थर आणि मऊ मेमरी फोम यांसारख्या उच्च-गुणवत्तेच्या सामग्रीपासून बनवलेले आहेत. या डायपर्सवर गुच्चीची खास 'GG' नक्षी छापलेली आहे, जेणेकरून तुमचे बाळ एक फॅशन स्टेटमेंट तयार करू शकेल.
गुच्चीसारखे ब्रँड त्यांच्या महागड्या उत्पादनांसाठी आधीच ओळखले जातात, पण हा विशिष्ट दावा केवळ मीम्सपुरता मर्यादित आहे. एकीकडे लक्झरी ब्रँड्स त्यांच्या सर्जनशीलतेने चर्चा निर्माण करतात, तर दुसरीकडे खोट्या बातम्या किंवा विनोद सहजपणे व्हायरल होऊन लोकांची दिशाभूल करू शकतात.
