जय महाराष्ट्र न्यूज, मुंबई
प्रतिपंढरपूर म्हणून ओळखल्या जाणाऱ्या वडाळ्याचं विठ्ठल मंदिर हरिनामाच्या गजरात न्हाऊन निघालं. विठूरायाच्या ओढीनं मुंबईच्या कानाकोपऱ्यातून दर्शनासाठी वारकरी भाविकांचा मेळा जमला होता.
ज्यांना पंढरपूरला जाणं शक्य होत नाही असे भाविक आणि वारकरी वडाळ्याच्या या प्रति पंढरपूरमध्ये विठूरायाचं दर्शन घेतात. ग्यानबा तुकारामाच्या जयघोषानं संपूर्ण परिसर विठूमय झाला होता. मुंबईचे महापौर विश्वनाथ महाडेश्वर यांच्या हस्ते विठूरायाला अभिषेक करण्यात आला.
