Central Railway Line : मुसळधार पावसाचा मध्य रेल्वेवर परिणाम, लोणावळा – कर्जत मार्गावर भूस्खलनामुळे या कालावधीसाठी रेल्वेगाड्या रद्द

मुंबई : आठवड्याच्या पहिल्याच दिवशी म्हणजे सोमवार, ६ जुलै २०२६ रोजी झालेल्या मुसळधार पावसामुळे लोणावळा – कर्जत मार्गावर अनेक ठिकाणी भूस्खलन झाले असून, त्याचा परिणाम रेल्वे वाहतुकीवर झाला आहे. तिन्ही मार्ग पूर्ववत करण्याचे प्रयत्न सुरू आहेत. परंतु मोठ्या प्रमाणात झालेले नुकसान आणि आव्हानात्मक कामाची परिस्थिती लक्षात घेता, यास वेळ लागू शकतो. परिणामी, लोणावळा – कर्जत मार्गावर भूस्खलनामुळे तात्पुरत्या कालावधीसाठी रेल्वेगाड्या रद्द करण्यात आल्या आहेत.  अचानक गाड्या रद्द केल्यामुळे प्रवाशांना गैरसोय होत होती. त्यामुळे एक ठोस भूमिका घेऊन प्रवाशांना त्यांच्या प्रवासाचे अधिक चांगल्या प्रकारे नियोजन करण्यास मदत करण्याचा निर्णय घेण्यात आला. इतर बाबी लक्षात घेऊन, मध्य रेल्वेने खाली नमूद केलेल्या गाड्या तात्पुरत्या कालावधीसाठी रद्द करण्याचा निर्णय घेतला आहे.

शुक्रवार, १० जुलै २०२६ ते १७ जुलै २०२६ या कालावधीत दररोज धावणाऱ्या गाड्या रद्द – 

१. गाडी क्रमांक 17317 हुबळी – दादर एक्सप्रेस
२. गाडी क्रमांक 17318 दादर – हुबळी एक्सप्रेस
३. गाडी क्रमांक 22944 इंदूर – दौंड एक्सप्रेस
४. गाडी क्रमांक 22943 दौंड – इंदूर एक्सप्रेस
५. गाडी क्रमांक 22732 छत्रपती शिवाजी महाराज टर्मिनस – हैदराबाद एक्सप्रेस
६. गाडी क्रमांक 22731 हैदराबाद – छत्रपती शिवाजी महाराज टर्मिनस एक्सप्रेस
७. गाडी क्रमांक 12124 पुणे – छत्रपती शिवाजी महाराज टर्मिनस डेक्कन क्वीन
८. गाडी क्रमांक 12123 छत्रपती शिवाजी महाराज टर्मिनस – पुणे डेक्कन क्वीन
९. गाडी क्रमांक 11007 छत्रपती शिवाजी महाराज टर्मिनस – पुणे डेक्कन एक्सप्रेस
१०. गाडी क्रमांक 11008 पुणे – छत्रपती शिवाजी महाराज टर्मिनस डेक्कन एक्सप्रेस
११. गाडी क्रमांक 12127 छत्रपती शिवाजी महाराज टर्मिनस – पुणे इंटरसिटी एक्सप्रेस
१२. गाडी क्रमांक 12128 पुणे – छत्रपती शिवाजी महाराज टर्मिनस इंटरसिटी एक्सप्रेस
१३. गाडी क्रमांक 22157 छत्रपती शिवाजी महाराज टर्मिनस – चेन्नई एग्मोर सुपरफास्ट मेल
१४. गाडी क्रमांक 22158 चेन्नई एग्मोर – छत्रपती शिवाजी महाराज टर्मिनस सुपरफास्ट मेल

हेही वाचा : 2000 Rupee Note: 2,000 ची नोट घरातच पडून आहे? RBI ने नोटा बदलून घेण्यासाठी सांगितले ‘हे’ 2 सोपे पर्याय

वेगवेगळ्या तारखांना सुटणाऱ्या गाड्या रद्द – 

१५. गाडी क्रमांक 17411 छत्रपती शिवाजी महाराज टर्मिनस – कोल्हापूर महालक्ष्मी एक्सप्रेस (१० जुलै २०२६ ते १७ जुलै २०२६)
१६. गाडी क्रमांक 17412 कोल्हापूर – छत्रपती शिवाजी महाराज टर्मिनस महालक्ष्मी एक्सप्रेस (९ जुलै २०२६ ते १७ जुलै २०२६)
१७. गाडी क्रमांक 20495 जोधपूर – हडपसर एक्सप्रेस (१० जुलै २०२६ ते १७ जुलै २०२६)
१८. गाडी क्रमांक 20496 हडपसर – जोधपूर एक्सप्रेस (११ जुलै २०२६ ते १७ जुलै २०२६)
१९. गाडी क्रमांक 11028 सातारा – दादर एक्सप्रेस (११ जुलै २०२६, १३ जुलै २०२६ आणि १४ जुलै २०२६)
२०. गाडी क्रमांक 11027 दादर – सातारा एक्सप्रेस (१० जुलै २०२६, १२ जुलै २०२६, १३ जुलै २०२६ आणि १७ जुलै २०२६ )
२१. गाडी क्रमांक 11041 दादर – साईनगर शिर्डी एक्सप्रेस (९ जुलै २०२६, ११ जुलै २०२६, १४ जुलै २०२६, १५ जुलै २०२६ आणि १६ जुलै २०२६)
२२. गाडी क्रमांक 11042 साईनगर शिर्डी – दादर एक्सप्रेस (दिनांक १०.०७.२०२६, १२.०७.२०२६, १५.०७.२०२६, १६.०७.२०२६ आणि १७.०७.२०२६ रोजी)

विशेष गाड्या रद्द

१. गाडी क्रमांक 01079 छत्रपती शिवाजी महाराज टर्मिनस – गोरखपूर एक्सप्रेस (दिनांक १०.०७.२०२६ ते १५.०७.२०२६ पर्यंत)
२. गाडी क्रमांक 01080 गोरखपूर – छत्रपती शिवाजी महाराज टर्मिनस एक्सप्रेस (दिनांक १२.०७.२०२६ ते १७.०७.२०२६ पर्यंत)
३. गाडी क्रमांक 01415 पुणे – गोरखपूर एक्सप्रेस (दिनांक १०.०७.२०२६ ते दिनांक १५.०७.२०२६ पर्यंत)
४. गाडी क्रमांक 01416 गोरखपूर – हडपसर एक्सप्रेस (दिनांक ११.०७.२०२६ ते दिनांक १६.०७.२०२६ पर्यंत)
५. गाडी क्रमांक 01431 पुणे – गाझीपूर सिटी एक्सप्रेस (दिनांक १०.०७.२०२६ आणि दिनांक १४.०७.२०२६ रोजी)
६. गाडी क्रमांक 01432 गाझीपूर सिटी – हडपसर एक्सप्रेस (दिनांक १२.०७.२०२६ आणि  १६.०७.२०२६ रोजी)
७. गाडी क्रमांक 01491 पुणे – हजरत निजामुद्दीन एक्सप्रेस (दिनांक १०.०७.२०२६ रोजी)
८. गाडी क्रमांक 01492 हजरत निजामुद्दीन – पुणे एक्सप्रेस (दिनांक ११.०७.२०२६ रोजी)

रेल्वे मार्ग पूर्ववत करण्याचे काम युद्धपातळीवर सुरू असून मध्य रेल्वेची टीम अहोरात्र काम करत आहे. मध्य रेल्वेचे वरिष्ठ अधिकारी घटनास्थळी उपस्थित राहून या कामावर बारकाईने लक्ष ठेवून आहेत. तसेच रेल्वे सेवा लवकरात लवकर पूर्ववत करण्यासाठी सर्वतोपरी प्रयत्न केले जात आहेत, अशी माहिती मध्य रेल्वेच्या वतीने देण्यात आली आहे. गाड्यांच्या धावण्याबाबतच्या माहितीसाठी, प्रवासी रेल्वे हेल्पलाइनशी संपर्क साधू शकतात किंवा एनटीइएस ॲप तपासू शकतात. प्रवाशांच्या माहितीसाठी सोशल मीडियावरही वेळोवेळी अद्यतने दिली जात आहेत. नैसर्गिक आपत्तीमुळे निर्माण झालेल्या या व्यत्ययाच्या काळात प्रशासनाला सहकार्य करण्याची विनंती रेल्वे प्रशासनाने प्रवशांना केली आहे. 

हेही वाचा : Shetkari Karjmafi: शेतकऱ्यांसाठी महत्त्वाची बातमी! कर्जमाफीसंदर्भात सरकारचा मोठा निर्णय; महाराष्ट्र बँकेत ‘पूल खाती’ सुरू, 24 तासांत शेतकऱ्यांच्या खात्यात पैसे जमा?

सिंहगड आणि प्रगती एक्सप्रेस सुरू –

दरम्यान, या संपूर्ण गोंधळात पुणे-मुंबई प्रवास करणाऱ्यांना काहीसा दिलासा मिळाला आहे. सिंहगड एक्सप्रेस आणि प्रगती एक्सप्रेस आपल्या नियोजित वेळेनुसार धावणार आहेत, याची प्रवाशांनी नोंद घ्यावी, असे रेल्वे प्रशासनाने स्पष्ट केले आहे.

तिकिटांचा पूर्ण रिफंड मिळणार

रेल्वे स्थानकांवर प्रवाशांच्या माहितीसाठी नोटीस बोर्ड आणि अनाउन्समेंट सिस्टीम (PA System) द्वारे सतत सूचना दिल्या जात आहेत. तसेच इलेक्ट्रॉनिक मीडियाच्या माध्यमातूनही अपडेट्स दिले जात आहेत. रद्द झालेल्या सर्व गाड्यांच्या तिकिटांचा पूर्ण परतावा (Full Refund) प्रवाशांना मिळणार आहे.

 प्रवाशांना पर्यायी मार्गाचा सल्ला

पावसाळ्यात खंडाळा घाटात दरड कोसळण्याच्या घटना नव्या नसल्या तरी सुरक्षेबाबत कोणतीही तडजोड केली जाऊ शकत नाही. त्यामुळे प्रवाशांनी घराबाहेर पडण्यापूर्वी १३९ या क्रमांकावर संपर्क साधून किंवा IRCTC App वर आपल्या गाडीचे स्टेटस तपासूनच प्रवास करावा. तसेच, रेल्वे सेवा विस्कळीत झाल्यामुळे पुणे-मुंबई प्रवासासाठी प्रवाशांना आता NH-48 (मुंबई-पुणे राष्ट्रीय महामार्ग) या पर्यायी रस्त्याचा वापर करावा लागणार आहे. प्रशासनाने प्रवाशांना या कठीण प्रसंगात संयम राखण्याचे आणि सहकार्य करण्याचे आवाहन केले आहे.