उत्तर प्रदेशच्या योगी सरकारने उत्तरप्रदेश बोर्ड आणि सीबीएसई बोर्डच्या अभ्यासक्रमात बदल केले आहेत. शैक्षणिक सत्र 2023-24मध्ये, इयत्ता बारावीमध्ये शिकवल्या जाणाऱ्या इतिहासाच्या पुस्तकातून मुघल प्रकरण काढूण टाकण्यात आले आहे. तसेच अकरावीच्या पुस्तकातून इस्लामचा उदय, संस्कृतींमध्ये झालेले मतभेद, औद्योगिक क्रांती असे धडे हटवण्यात आले आहेत.
2023-24 या शैक्षणिक सत्रात इंटरमिजिएटमध्ये शिकवल्या जाणाऱ्या इतिहासाच्या पुस्तकातील भारतीय इतिहासाचे काही विषय – || मधून शासक आणि मुघल दरबार काढण्यात आला आहे. तसेच नागरिक शास्त्राच्या पुस्तकातून अमेरिकेचं वर्चस्व आणि शीतयुद्ध हे धडे हटवण्यात आले आहेत.
योगी सरकारचा शैक्षणिक क्षेत्रातील हा बदल 2023-24पासून लागू होणार आहे. इतिहासाच्या पुस्तकाशिवाय इतर विषयांतही हा बदल दिसून आला आहे. बारावीच्या इतिहासाच्या पुस्तकात मुघलांचा इतिहास काढून टाकण्यात आला आहे.
यापूर्वी, बारावीच्या इतिहासाच्या पुस्तकात भारतीय इतिहास-|| मध्ये राज्यकर्ते आणि मुघल दरबाराचे प्रकरण होते, जे आता अभ्यासक्रमातून वगळण्यात आले आहे. तर अकरावीच्या अभ्यासक्रमातही बदल करण्यात आले आहेत.
