Starlink Satellite Internet: आता भारतात देखील अमेरिकेप्रमाणे इंटरनेट सुविधा आणखी मजबूत होणार आहे. कारण, एअरटेलनंतर रिलायन्स ग्रुपची कंपनी जिओ प्लॅटफॉर्मने भारतात हाय-स्पीड इंटरनेट सेवा स्टारलिंक सॅटेलाइट इंटरनेट आणण्यासाठी एलोन मस्कची कंपनी स्पेसएक्ससोबत करार केला आहे. कंपनीने 12 मार्च रोजी एक्सचेंज फाइलिंगमध्ये ही माहिती दिली आहे. तथापि, 11 मार्च रोजी, भारती एअरटेलने स्टारलिंक सेवा आणण्यासाठी स्पेसएक्ससोबत करार केला होता.
जिओ-स्पेसएक्स करार –
कंपनीने जारी केलेल्या निवेदनानुसार, जिओ त्यांच्या रिटेल आउटलेट्स तसेच त्यांच्या ऑनलाइन स्टोअरफ्रंटद्वारे स्टारलिंक सोल्यूशन्स प्रदान करेल. एलॉन मस्क यांच्या कंपनीसोबत करार केल्यानंतर दोन्ही कंपन्या भारतातील सर्वात ग्रामीण आणि दुर्गम भागांसह देशभरात विश्वसनीय ब्रॉडबँड सेवा प्रदान करतील.
हेही वाचा – X Down: जगभरात 'एक्स' सर्व्हर डाउन, अर्ध्या तासाहून अधिक काळ वापरकर्त्यांना करावा लागला अडचणींचा सामना
स्पेसएक्ससोबतच्या करारानुसार, जिओ त्यांच्या रिटेल स्टोअरमध्ये स्टारलिंक उपकरणे उपलब्ध करून देईल तसेच ग्राहक सेवा, स्थापना आणि सक्रियतेसाठी एक समर्थन प्रणाली विकसित करेल. तथापी, रिलायन्स जिओचे ग्रुप सीईओ मॅथ्यू ओमेन यांनी सांगितले की, प्रत्येक भारतीयाला, तो कुठेही राहत असला तरी, परवडणाऱ्या आणि हाय-स्पीड ब्रॉडबँडची सुविधा मिळावी हे सुनिश्चित करणे ही जिओची सर्वोच्च प्राथमिकता आहे. स्टारलिंक भारतात आणण्यासाठी स्पेसएक्ससोबतची आमची भागीदारी आमची वचनबद्धता अधिक दृढ करते. हा करार सर्वांसाठी अखंड ब्रॉडबँड कनेक्टिव्हिटीच्या दिशेने एक परिवर्तनकारी पाऊल आहे.
स्टारलिंकसोबच्या करारामुळे दुर्गम भागातील इंटरनेट सुविधा मिळणार –
दरम्यान, एलोन मस्कची स्टारलिंक, जी पूर्वी भारतात येण्यास विरोध करत होती, ती आता देशातील त्याच दोन मोठ्या टेलिकॉम कंपन्या स्टारलिंकसोबत करार करून भारतात त्यासाठी मार्ग मोकळा करत आहे. जिओच्या आधी भारती एअरटेलनेही स्पेसएक्ससोबत असाच करार केला आहे. या करारानुसार, एअरटेल आणि स्पेसएक्स स्टारलिंकच्या सॅटेलाइट कनेक्टिव्हिटीद्वारे एअरटेलच्या विद्यमान सेवा वाढवण्यासाठी काम करेल.
