आज शहर राष्ट्रवादीची पुण्यात बैठक झाली आहे. लोकप्रतिनिधींसह प्रमुख कार्यकर्त्यांना निमंत्रण देण्यात आले आहे. या बैठकीत नेमकं आता काय होईल याकडे सर्वांचे लक्ष असणार आहे.
अजित पवार यांच्या बंडामुळे शहर राष्ट्रवादी काँग्रेसमधील कोणकोणते नेते, पदाधिकारी शरद पवार यांच्यासोबत आहेत याचा अंदाज घेण्यासाठी शहर राष्ट्रवादी काँग्रेसने घोले रस्ता येथे मंगळवारी दुपारी बैठकीचे आयोजन केले. आजी-माजी आमदार, खासदार, नगरसेवक, पदाधिकारी तसेच प्रमुख कार्यकर्त्यांना निमंत्रण देण्यात आले आहे. त्यामुळे या बैठकीस उपस्थित न राहणाऱ्या पदाधिकारी शरद पवारांसोबत नसल्याचे ‘संदेश’ पक्ष नेतृत्वापर्यंत पोहोचवला जाणार आहे. शहरातील राष्ट्रवादी काँग्रेसच्या पदाधिकाऱ्यांची बैठक घोले रस्त्यावरील नेहरू सांस्कृतिक भवन येथे आयोजित करण्यात आली. पक्षाच्या कार्यकारिणीतील सर्व पदाधिकाऱ्यांना या बैठकीचे निमंत्रण देण्यात आले आहे. अजित पवार गटाकडून पक्षाचा दावा करण्यात आल्याने शिवसेनेप्रमाणे राष्ट्रवादी काँग्रेसच्या पदाधिकाऱ्यांकडून प्रतिज्ञापत्र भरून घेतले जाणार आहे. त्यासाठीची तयारी शरद पवार गटाकडून या बैठकीत गेली जाण्याची शक्यता आहे.
अजित पवार गटाकडून ‘राष्ट्रवादी’च्या प्रदेशाध्यक्षपदी सुनील तटकरे यांची नियुक्ती केल्याने त्यांच्याकडून स्वतंत्र कार्यकारिणी जाहीर केली जाण्याची शक्यता आहे. शिंदे- ठाकरे गटाप्रमाणे ‘राष्ट्रवादी’ चेही दोन शहराध्यक्ष, दोन कार्यालये; तसेच पदाधिकाऱ्यांची नियुक्ती केली जाण्य ची शक्यता आहे. ही शक्यता गृहीत धरून शरद पवार गटाकडून तयारी सुरू करण्यात आली आहे.
अजित पवार गटाकडून ‘राष्ट्रवादी’ च्या प्रदेशाध्यक्षपदी सुनील तटकरे यांची नियुक्ती केल्याने त्यांच्याकडून स्वतंत्र कार्यकारिणी जाहीर केली जाण्याची शक्यता आहे. शिंदे- ठाकरे गटाप्रमाणे ‘राष्ट्रवादी’चेही दोन शहराध्यक्ष, दोन कार्यालये तसेच पदाधिकाऱ्यांची नियुक्ती केली जाण्याची शक्यता आहे. ही शक्यता गृहीत धरून शरद पवार गटाकडून तयारी सुरू करण्यात आली आहे. निवडणूक आयोगापुढे भविष्यात पक्ष आणि चिन्ह याचा दावा होण्याच्या शक्यतेने सर्वोतोपरी काळजी घेण्यात येत आहे.
‘शहर राष्ट्रवादी’त फूट?
दीपक मानकर, सुभाष जगताप, बाबुराव चांदेरे, महेंद्र पठारे, नीलेश निकम, दिलीप बराटे, दत्तात्रेय धनकवडे, कुमार गोसावी, श्रीकांत पाटील आदी स्थानिक नेत्यांकडून मंगळवारच्या बैठकीबाबत काय भूमिका घेतली जाते, याबाबत उलटसुलट चर्चा आहे. यातील किती नेते शरद पवार गटाने बोलावलेल्या बैठकीस उपस्थित राहणार, याबाबत राष्ट्रवादी काँग्रेसमध्ये उत्सुकता आहे.
