सोलापूर: सोलापूरमधून एक धक्कादायक घटना उघडकीस आलीय. वडिलांच्या बंदुकीने पोटच्या पोराने आत्महत्या केल्याने सर्वत्र हळहळ व्यक्त केली जातेय.
सोलापूरच्या माढ्यातील आढेगावमध्ये ही धक्कादायक घटना घडली आहे. १४ वर्षांचा श्रीधर गणेश नष्टे याने आत्महत्या केली असून, त्याचे वडील गणेश नष्टे हे सीमा सुरक्षा दलात कार्यरत आहेत. या घटनेनंतर नष्टे कुटुंबावर दुःखाचा डोंगर कोसळला आहे.
श्रीधरने आपल्या वडिलांची बंदूक घेतली आणि शांतपणे खुर्चीवर बसला. त्यानंतर, काहीच कळायच्या आत त्याने स्वतःच्या डोक्यात गोळी झाडली. या बंदुकीचे लायन्सस जम्मू काश्मीरचे आहे. कुटुंबातील सर्व सदस्य आणि स्थानिक लोकांमध्ये शोकाची लाट पसरली आहे.
जय महाराष्ट्र न्यूजच्या थेट संपर्कात राहण्यासाठी व्हॉट्सअप चॅनेल वर क्लिक करा.
नष्टे कुटुंबावर दुःखाचा डोंगर
श्रीधरच्या आत्महत्येने नष्टे कुटुंबाला मोठा धक्का दिला आहे. त्याचे वडील, गणेश नष्टे हे सीमेवर देशसेवा करत असून त्यांच्या पोरानेच हे टोकाचे पाऊल उचलल्याने कुटुंबाला मोठा मानसिक तणाव सहन करावा लागला आहे.
पोलीस तपास सुरू
श्रीधरने नेमकी आत्महत्या का केली याचा शोध पोलीस घेत आहेत. आत्महत्येचे कारण स्पष्ट होण्यापूर्वीच गावातील आणि आसपासच्या परिसरात या घटनेची चर्चा सुरु आहे. काही लोकांच्या मते, कदाचित घरातील मानसिक ताणतणावामुळे ही घटना घडली असावी. पोलीस या प्रकरणी तपास करत आहेत आणि वेगवेगळ्या अंगांनी या प्रकरणाचा अभ्यास करीत आहेत.
तपासातील प्रगती
पोलीस अधिकारी आणि स्थानिक अधिकारी या प्रकरणाची गांभीर्याने दखल घेत असून, त्या घटनेची सखोल चौकशी सुरू आहे. आत्महत्येचे नेमके कारण आणि श्रीधरच्या मनातील विचार कशामुळे विकृत झाले याबाबत लवकरच माहिती समोर येईल, अशी आशा आहे.
ही एक अत्यंत ह्रदयद्रावक घटना आहे आणि त्यात एक जीवन गमावला आहे. श्रीधर नष्टेच्या आत्महत्येने स्थानिक समाजात शोक आणि चिंता पसरली आहे. कुटुंबाला या दुर्दैवी घटनेतून सावरण्यासाठी वेळ लागेल.
