जय महाराष्ट्र न्यूज, नाशिक
मनसे प्रमुख राज ठाकरे सध्या नाशिक दौऱ्यावर आहेत. मनसे कार्यकर्त्यांनी मोठ्या उत्साहात राज ठाकरेंचे स्वागत केले. यावेळी राज ठाकरे चक्क मांडी घालून जमिनीवर बसले आणि पदाधिकारी तसेच कार्यकर्त्यांशी मनमोकळा संवाद साधला.
मुंबई महापालिकेत मनसेचे पानीपत झाल्यानंतर मनसे अध्यक्ष राज ठाकरेंनी सर्वच ठिकाणी पुन्हा नव्याने पक्षाची पुनर्बांधणी सुरू केली.
मुंबई, पुणे, कल्याण डोंबवलीनंतर आता राज ठाकरेंनी नाशिकवर लक्ष केंद्रीत केले आहे. 10 नोव्हेंबरपासून तीन दिवस राज ठाकरे नाशिकमध्ये असणार आहेत.
महापालिका निवडणुकीत सत्ता गमावल्यानंतर प्रथमच राज ठाकरे नाशिकच्या दौऱ्यावर येणार आहेत. राज ठाकरेंकडून पक्ष संघटनेत मोठे ऑपरेशन केले जाणार असल्याची शक्यता आहे. तसेच, काही माजी नगरसेवकांची घरवापसी त्यांच्या उपस्थितीत होण्याची शक्यता आहे.
