नवी दिल्ली: पंतप्रधान नरेंद्र मोदी यांनी गुरुवारी देशवासीयांना नववर्षाच्या शुभेच्छा दिल्या. भारतात 2026 चे स्वागत होत असताना, समाजात शांतता, उत्तम आरोग्य आणि आनंद नांदो, अशी प्रार्थना त्यांनी केली.
सोशल मीडिया प्लॅटफॉर्म X वर पोस्ट करत पंतप्रधान मोदी म्हणाले, “सर्वांना 2026 च्या मनःपूर्वक शुभेच्छा. येणारे वर्ष उत्तम आरोग्य, समृद्धी घेऊन येवो. तुमच्या प्रत्येक प्रयत्नात यश मिळो आणि आयुष्यात समाधान लाभो. आपल्या समाजात शांतता आणि आनंद नांदो, हीच प्रार्थना.”
Wishing everyone a wonderful 2026! May the year ahead bring good health and prosperity, with success in your efforts and fulfilment in all that you do. Praying for peace and happiness in our society. — Narendra Modi (@narendramodi) January 1, 2026
हेही वाचा: Virat Kolhi: विराट-अनुष्काचा क्युट फोटो आणि तासात 40 लाख लाईक्स; 2026 ची ‘विराट’सुरुवात
याचबरोबर दुसऱ्या पोस्टमध्ये त्यांनी एक व्हिडिओ शेअर करत म्हटले, “2026 साठी तुम्हा सर्वांना खूप खूप शुभेच्छा. हे वर्ष प्रत्येकासाठी नव्या आशा, नवे संकल्प आणि नव्या आत्मविश्वासाची सुरुवात ठरो. जीवनात पुढे जाण्याची प्रेरणा हे वर्ष सर्वांना देवो.”
2026 की आप सभी को बहुत-बहुत शुभकामनाएं। कामना करते हैं कि यह वर्ष हर किसी के लिए नई आशाएं, नए संकल्प और एक नया आत्मविश्वास लेकर आए। सभी को जीवन में आगे बढ़ने की प्रेरणा दे। ज्ञानं विरक्तिरैश्वर्यं शौर्यं तेजो बलं स्मृतिः। स्वातन्त्र्यं कौशलं कान्तिर्धैर्यं मार्दवमेव च ॥ pic.twitter.com/vMhlHe3fGR — Narendra Modi (@narendramodi) January 1, 2026
दरम्यान, राष्ट्रपती द्रौपदी मुर्मू यांनीही देशवासीयांना नववर्षाच्या शुभेच्छा दिल्या. नववर्ष हा नव्या उर्जेचा आणि नव्या सुरुवातीचा काळ असल्याचे सांगत, “2026 हे वर्ष आपल्या आयुष्यात शांतता, आनंद आणि समृद्धी घेऊन येवो. एक सक्षम आणि समृद्ध भारत घडवण्यासाठी नवी ऊर्जा मिळो,” अशी सदिच्छा त्यांनी व्यक्त केली.
नव वर्ष के उल्लासपूर्ण अवसर पर, मैं देश और विदेश में बसे सभी भारतीयों को हार्दिक बधाई और शुभकामनाएं देती हूं। pic.twitter.com/GEj29ZxOxd — President of India (@rashtrapatibhvn) January 1, 2026
देशभरात नववर्षाचे जल्लोषात स्वागत करण्यात आले. मोठ्या शहरांपासून ते छोट्या गावांपर्यंत फटाक्यांची आतषबाजी, सांस्कृतिक कार्यक्रम, लाईव्ह संगीत आणि आकर्षक सजावटींनी वातावरण आनंदी झाले होते. सार्वजनिक ठिकाणी मोठ्या प्रमाणात नागरिकांनी गर्दी करत उत्साहात 2026 चे स्वागत केले.
एकूणच, शांतता, आशा आणि सकारात्मकतेच्या संदेशासह देशाने नव्या वर्षात पाऊल टाकले असून, 2026 कडून नागरिकांना नव्या अपेक्षा आणि संधींची आस आहे.
