बुलढाणा बस अपघातावर पंतप्रधान नरेंद्र मोदी यांनीदेखील शोक व्यक्त केला, तसेच अपघातात मृत्यूमुखी पडलेल्यांना २ लाख रुपयांची मदत जाहीर केली आहे.बुलढाण्याच्या समृद्धी महामार्गावर बसला आग लागल्याने २५ प्रवाशांचा मृत्यू झाला आहे. तर, ८ जण जखमी झाले आहेत. जखमींवर बुलढाणाच्या सिव्हिल रुग्णालयात उपचार सुरू आहेत. या दुर्घटनेनंतर देशभरातून शोक व्यक्त केला जात आहे. पंतप्रधान नरेंद्र मोदी यांनीदेखील शोक व्यक्त केला, तसेच अपघातात मृत्यूमुखी पडलेल्यांना २ लाख रुपयांची मदत जाहीर केली आहे. दरम्यान, अपघात झालेली ही बस नागपूरहून पुण्याच्या दिशेने प्रवास करत होती. त्याचवेळी बुलढाणा जिल्ह्यातील सिंदखेडराजाजवळील पिंपळखुटा गावाजवळ हा अपघात घडला.
Deeply saddened by the devastating bus mishap in Buldhana, Maharashtra. My thoughts and prayers are with the families of those who lost their lives. May the injured recover soon. The local administration is providing all possible assistance to the affected: PM @narendramodi — PMO India (@PMOIndia) July 1, 2023
पंतप्रधानांचं ट्वीट
या अपघातानंतर शोक व्यक्त करताना पंतप्रधान मोदी आपल्या ट्विटमध्ये म्हणाले की, “महाराष्ट्रातील बुलढाणा येथे झालेल्या भीषण बस अपघाताचे वृत्त ऐकून खूप दु:ख झाले. या अपघातात ज्यांनी प्राण गमावले त्यांच्या कुटुंबियांसोबत माझ्या प्रार्थना आहेत. जखमी लवकर बरे व्हावेत. स्थानिक प्रशासन बाधितांना शक्य ती सर्व मदत करत आहे”. सोबतच, पंतप्रधान कार्यालयाकडून अपघातग्रस्तांना मदत जाहीर करण्यात आली आहे. या बस दुर्घटनेत मृत्युमुखी पडलेल्यांच्या नातेवाईकांना PMNRF कडून २ लाख रुपयांची मदत दिली जाईल. तर जखमींना ५० हजार रुपयांची मदत दिली जाणार आहे”.
An ex-gratia of Rs. 2 lakh from PMNRF would be given to the next of kin of those who lost their lives in the bus mishap in Buldhana. Rs. 50,000 would be given to the injured: PM @narendramodi — PMO India (@PMOIndia) July 1, 2023
