जय महाराष्ट्र न्यूज, परभणी
कुकडे ले-आऊट येथील शासकीय आदिवासी विद्यार्थी वसतिगृहातील विद्यार्थी विष्णू भारत पवार (वय २१ रा.परभणी) याला रॅगिंगदरम्यान मूत्रमिश्रित विष पाजल्याप्रकरणी अजनी पोलिसांनी गुन्हा दाखल करून वसतिगृहातील आठ विद्यार्थ्यांना अटक केली.
बॉस ऊर्फ प्रशील उईके, दुर्गेश कोलाम, राजेश सलामे, देवेंद्र मडावी, तुकाराम बुरकुटे, शुभम मडावी, प्रवीण गेडाम व स्नेहल राऊत, अशी अटकेतील विद्यार्थ्यांची नावे आहेत.
आठ विद्यार्थ्यांना पोलिसांनी गुरुवारी न्यायालयात हजर केले गेले. न्यायालयाने त्यांची न्यायालयीन कोठडीअंतर्गत कारागृहात रवानगी केली आहे. विष्णू हा बीएएमएसच्या द्वितीय वर्षाला म्हणजेच पत्रकारीकता शिकत होता.
२१ फेब्रुवारीला रात्री मारहाण करून त्याला बळजबरीने मूत्र पाजण्यात आले होते. दरम्यान, या प्रकरणाची आदिवासी विभागाने गंभीर दखल घेतली असून, वसतिगृहातील गृहपालाला कारणे दाखवा नोटीस बजावण्यात आली आहे.
या प्रकरणाच्या सखोल चौकशीसाठी समिती स्थापन करण्यात आली आहे. अहवालानंतर दोषींविरुद्ध कठोर कारवाई करण्यात येईल,अशी माहिती एकात्मिक आदिवासी विकास प्रकल्प अधिकारी डिगांबर चव्हाण यांनी दिली.
