पुणे : पुण्यात आज, शुक्रवारी केंद्रीय मंत्री नितीन गडकरी यांच्या हस्ते इंडियन फेडरेशन ऑफ ग्रीन एनर्जी या कार्यक्रमाचे उद्घाटन करण्यात आले. यावेळी बोलताना नितीन गडकरी म्हणाले की, आपला देश आत्मनिर्भर झाला पाहिजे. मी याआधी देखील अनेक योजना सांगितल्या आहेत. मी योजना सांगितल्या की लोकं हसायचे आणि मला वेडा म्हणायचे, पण मी या क्षेत्रात काम करून दाखवलं. मै डंडा लेके बैठा हू, मुझे मॕनेज करनेवाला पैदा नही हुआ, अच्छा काम करो नही तो मै ठोकता हूँ…, असा टोला यावेळी नितीन गडकरी यांनी लगावला. तसेच माझ्या विरोधात पेट्रोलियम लॉबीवाले देखील मोठ्या प्रमाणात आहेत. ही लॉबी तुम्हाला म्हणजेच ग्रीन एनर्जीला नीट काम करू देईल, असं वाटत नाही. पण मी कुणाला घाबरत नाही, जो लढाई सोडून पळतो तो संपतो म्हणून भीती बाळगण्याची गरज नाही, आम्हीपण दुसऱ्याच्या छातीवर चढू शकतो. चढू, लढू, जिंकू आणि यशस्वी होऊ. तुम्ही आत्मविश्वास सोडू नका, असे त्यांनी पुढे नमूद केले. पुण्यातील ग्रीन एनर्जीच्या कार्यक्रमात पेट्रोलियम लॉबीच्या विरोधात नितीन गडकरींची जोरदार टोलेबाजी पाहायला मिळाली.
