Nirmala Sitharaman: देशाच्या अर्थमंत्री निर्मला सीतारमण नेहमीच फॅशनच्या माध्यमातून भारतीय परंपरेला सन्मान देतात. 1 फेब्रुवारी 2026 रोजी संसदेत सलग नव्यांदा केंद्रीय अर्थसंकल्प सादर करत त्यांनी ही परंपरा पुन्हा जिवंत केली. या ऐतिहासिक प्रसंगी फक्त आर्थिक आकडेवारी नव्हती, तर भारतीय हस्तकलेचा अभिमानही सादर झाला.
निर्मला सीतारमण यांनी आज परिधान केलेली गडद जांभळ्या रंगाची कांजीवरम साडी सोशल मीडियावर खूप चर्चेचा विषय ठरली आहे. या साडीवर ‘कट्टम’ डिझाइन, म्हणजे चौकटींतील नक्षी, पारंपरिक तामिळनाडूच्या विणकाम वारशाचा गौरव करत आहे. जांभळ्या रंगासोबत सोनेरी झरी बॉर्डर असल्यामुळे साडीला एक खास ठळकपणा मिळाला आहे. या रंगसंगतीने आणि नक्षीने अर्थमंत्र्यांच्या व्यक्तिमत्त्वात एक उंची आणि गरिमाही भरली आहे.
निर्मला सीतारमण यांचे बजेटसाठी निवडलेले पेहराव नेहमीच स्थानिक हाती विणलेल्या वस्त्रांवर लक्ष केंद्रित करतात. लोकल ते वोकल अभियानाच्या संदेशाला महत्त्व देत या साडीत त्यांनी परंपरेचा अभिमान जिवंत ठेवला आहे. प्रत्येक बजेटदरम्यान अशी साडी निवडणे त्यांच्या फॅशनमध्ये सांस्कृतिक वारशाचा संदेश देण्याचे स्पष्ट उदाहरण आहे.
कांजीवरम साड्या त्यांच्या उच्च दर्जाच्या रेशीम आणि पारंपरिक सोन्या-चांदीच्या जरकामासाठी जगभर प्रसिद्ध आहेत. तज्ज्ञांच्या मते, अर्थमंत्र्यांनी परिधान केलेली साडी हातमागावरील प्रकारातील असून, तिची किंमत साधारण 35,000 ते 70,000 रुपये असण्याची शक्यता आहे. साडीवरील जरकाम आणि डिझाइन जास्त क्लिष्ट किंवा दुर्मीळ असेल तर किंमत आणखी वाढू शकते.
फॅशनच्या दृष्टीनेही ही साडी उल्लेखनीय आहे. सरकारी कामकाजाच्या औपचारिक प्रसंगात भारतीय हस्तकलेचा असा सन्मान आणि पारंपरिक रंगसंगतीचे प्रदर्शन पाहून अनेकांनी सोशल मीडियावर कौतुक केले आहे. निर्मला सीतारामन यांचा हा निवडलेला स्टाइल भारतीय फॅशन आणि सांस्कृतिक वारशाच्या संगमाचे प्रतीक ठरतो.
