ऊसाच्या शेतात आढळले बिबट्याचे बछडे, नागरिकांमध्ये भितीचे वातावरण

जय महाराष्ट्र न्यूज, नाशिक

नाशिकच्या निफाडमध्ये ऊस तोडणीच्या वेळी बिबट्याचे 4 बछडे आढळून आलेत. गेल्या अनेक दिवसांपासून ह्या परिसरात बिबट्यांनी ठाण मांडून ठेवलाय. नुकतीच जन्माला आलेले बिबट्याचे 4 बछडे या परिसरात दिसून आलेत.

शरद नाठे यांना त्यांच्या शेतामध्ये हे बिबटे दिसून आले. त्यामुळे परिसरात एकच खळबळ माजलीय. या घटनेची माहिती वनविभागाला कळवल्यानंतर वन-अधिकाऱ्यांनी हे बछडे ताब्यात घेतले. एकूणच या घटनेमुळे परिसरत भीतीचे वातावरण असून पिंजरे लावण्याची मागणी गावकऱ्यांनी केली आहे.