नाशिक महापालिका रुग्णालयातील धक्कादायक प्रकार उघडकीस

नाशिक महापालिका रुग्णलयातील गलथान कारभार आज पुन्हा एकदा उघड झाला आहे.

एका महिलेच्या प्रसूती दरम्यान सदर महिलेच्या पोटात कापसाचा गोळा राहिल्याचा धक्कादायक प्रकार उघडकीस आला आहे.

काही दिवसांनी या महिलेच्या पोटात त्रास होत असल्याने ही महिला आज तापसणीसाठी रुग्णालयात आली असताना हा संपूर्ण प्रकार नातेवाईक आणि येथे असलेल्या कर्मचाऱ्यांचा लक्षात आला आहे, सदर महिलेचं नाव साक्री शेख असं आहे

या महिलेसोबत नेमकं काय घडलं

• सदर महिला काही दिवसांपूर्वी रुग्णालयात प्रसूतीसाठी दाखल झाली होती.
• प्रसूतीनंतर महिलेच्या पोटात कापसाचा गोळा राहून गेला, पोटात कापूस असल्याने या महिलेला त्रास होऊ लागला.
• त्यानंतर पुन्हा एकदा तपासणीसाठी आज ही महिला रुग्णालयात आली असतांना तब्बल 20 दिवसांनी पुन्हा ऑपरेशन करून हा कापसाचा गोळा या महिलेच्या पोटातून काढण्यात आला आहे.
• नाशिकच्या झाकीर हुसेन या महापालिकेच्या रुग्णालयात हा संपूर्ण धक्कादायक प्रकार घडला आहे.

गेल्या काही दिवसांपासून अशा घटना वारंवार महापालिका रुग्णालयात घडत आहेत

त्यामुळे महापालिका रुग्णालयात रुग्णांच्या जीवाशी खेळ होत असल्याची टीका आता रुग्णांचे नातेवाईक करत आहेत.

या संपूर्ण प्रकरणानंतर चौकशी करून संबंधित लोकांवर कारवाई केली जाईल अशी माहिती अधिकाऱ्यांनी दिली आहे.