‘अजित पवारांनी डोळे तपासण्याचा नवा व्यवसाय सुरू केलाय वाटतंय’; नारायण राणे असं का म्हणाले? जाणून घ्या?

Narayan Rane On Ajit Pawar: महाराष्ट्रातील राजकारण सध्या एक मनोरंजक वळण घेत आहे. सत्ताधारी महायुती आघाडीच्या नेत्यांनी आता लक्षवेधी राजकारणाचा अवलंब केला आहे. राष्ट्रवादी काँग्रेसचे नेते आणि उपमुख्यमंत्री अजित पवार यांच्या मुस्लिम बांधवांना आव्हान देण्याच्या विधानावर भाजप खासदार नारायण राणे यांनी प्रत्युत्तर दिले आहे. अजित पवारांनी डोळे तपासण्याचा नवीन व्यवसाय सुरू केला आहे असं वाटतं, अशी खोचक प्रतिक्रिया नारायण राणे यांनी दिली आहे.  

मुस्लिम बांधवांचा अनादर करणाऱ्यांना आम्ही सोडणार नाही – अजित पवार

दरम्यान, आजा अजित पवार यांनी मुंबईत एका इफ्तार पार्टीला उपस्थिती लावली होती. यावेळी त्यांनी आपल्या भाषणात रमजानचे बंधुत्वाचा संदेश देणारा महिना म्हणून वर्णन केले आणि मुस्लिम समुदायातील लोकांना आश्वासन दिले की, 'जर कोणी त्यांच्याकडे डोळे वटारून पाहण्याचे धाडस केले तर ते त्याला सोडणार नाहीत. जो कोणी दोन गटांमध्ये संघर्ष निर्माण करून कायदा आणि सुव्यवस्था बिघडवेल आणि कायदा हातात घेण्याचा प्रयत्न करेल, तो कोणीही असो, त्याला कोणत्याही परिस्थितीत सोडले जाणार नाही किंवा माफ केले जाणार नाही,' असंही अजित पवार यांनी म्हटलं होतं. मुस्लिमांच्या पवित्र रमजान महिन्यानिमित्त मुंबईतील इस्लाम जिमखाना येथे राष्ट्रवादी काँग्रेसच्या अजित पवार गटाकडून इफ्तार पार्टीचे आयोजन करण्यात आले होते. यावेळी अजित पवार, प्रफुल्ल पटेल, सुनील तटकरे, छगन भुजबळ, सना मलिक, नवाब मलिक आणि पक्षाचे इतर ज्येष्ठ नेते उपस्थित होते. यावेळी मुस्लिम समाजातील लोक मोठ्या संख्येने उपस्थित होते.

हेही वाचा – नागपुरातील दंगेखोरांनी पैसे भरले नाही तर त्यांच्या मालमत्ता विकून वसूल करणार – फडणवीस

नारायण राणे यांनी दिले प्रत्युत्तर – 

दरम्यान, अजित पवारांच्या या विधानाबाबत नारायण राणे यांना प्रश्न विचारण्यात आला. ज्याला उत्तर देताना नारायण राणे म्हणाले, 'असे दिसते की अजित पवारांनी डोळे तपासण्याचा एक नवीन व्यवसाय सुरू केला आहे.' याशिवाय, भाजप अध्यक्ष जेपी नड्डा यांनी खासदारांना फिटनेसवर लक्ष केंद्रित करण्याच्या सल्ल्याशी संबंधित प्रश्नावर उत्तर देताना राणे म्हणाले, 'मी 65 वर्षांपेक्षा जास्त वयाचा आहे पण मी तंदुरुस्त आहे.

हेही वाचा – मंत्री जयकुमार गोरे यांच्यावर आरोप करणारी महिला अटकेत; प्रकरणात नवा ट्विस्ट

काही दिवसांपूर्वी अजित पवार यांनी त्यांचे कॅबिनेट सहकारी नितेश राणे यांनी मुस्लिमांबद्दल केलेले विधान दिशाभूल करणारे असल्याचे म्हटले होते. तसेच अजित पवार यांनी राज्यातील नेत्यांना संयम बाळगण्याचा सल्ला दिला होता. नितेश राणे यांनी म्हटलं होतं की, छत्रपती शिवाजी महाराजांच्या सैन्यात एकही मुस्लिम नव्हता.